U śpis abmiežavanaha dostupu, jaki farmirujecca ŭ Biełarusi, uniesiena kala 80 internet-resursaŭ. Daviedacca ab usim śpisie pa-raniejšamu niemahčyma.
Jak paviedamlaje BiełTA, lik internet-resursaŭ u śpisie abmiežavanaha dostupu padvoiŭsia za apošnija dzieviać miesiacaŭ. U ciapierašni čas u im niby ŭtrymlivajucca internet-resursy ekstremisckaha i parnahrafičnaha źmiestu. Na samoj spravie, u śpisie pieravažajuć apazicyjnyja sajty, siarod jakich i charter97.org.
Dostup da ich zakryty na abaviazkovaj asnovie ŭ dziaržaŭnych orhanach, ustanovach adukacyi i kultury. Dla zvyčajnaha karystalnika internet-filtravańnie moža ažyćciaŭlacca tolki pa jaho ŭłasnaj prośbie.
Pastaŭščyki internet-pasłuh u Biełarusi zabiaśpiečvajuć akazańnie pasłuh pa abmiežavańni dostupu na padstavie dvuch śpisaŭ - śpisu, sfarmiravanaha RUP «BiełDIE», i śpisu, sfarmiravanaha kožnym pastaŭščykom internet-pasłuh samastojna.
Śpis abmiežavanaha dostupu farmirujecca RUP «BiełDIE» na padstavie rašeńniaŭ kiraŭnikoŭ Kamiteta dziaržaŭnaha kantrolu, Hienieralnaj prakuratury, AAC, inšych respublikanskich orhanaŭ dziaržkiravańnia. Rašeńni prymajucca kiraŭnikami ŭpaŭnavažanych dziaržaŭnych orhanaŭ u miežach ich kampietencyi.
U studzieni 2012 hoda ŭ Biełarusi ŭstupiŭ u siłu zakon «Ab uniasieńni dapaŭnieńniaŭ u Kodeks Respubliki Biełaruś ab administracyjnych pravaparušeńniach i Pracesualna-vykanaŭčy kodeks Respubliki Biełaruś ab administracyjnych pravaparušeńniach». Da ŭsiaho inšaha dapaŭnieńni praduhledžvajuć adkaznaść internet-pravajderaŭ za parušeńnie patrabavańniaŭ pa abmiežavańni dostupu karystalnikaŭ da infarmacyi, zabaronienaj u adpaviednaści z zakanadaŭstvam.
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej2
Kamientary