Vodnyja padarožžy pa krainie.
U savieckija časy sotni biełarusaŭ štohod vypraŭlalisia ŭ susiednija respubliki skarać imklivyja hornyja reki Kaŭkaza i Karpataŭ. U našaj raŭninnaj krainie takoha ekstrymu nie znojdzieš. Ale ci patrebnaja hetaja niebiaśpieka padarožnikam, jakija paśpieli abjeździć usie samyja papularnyja ekskursijnyja maršruty Biełarusi i ciapier chočuć novych uražańniaŭ? Dla ich dastatkova raźmieranaha padarožža na bajdarkach pa biełaruskich rekach. Mienavita taho, što i prapanujuć ajčynnyja turfirmy.
Maršrutaŭ pad 20 — Biarezina, Vilija, Drysa, Isłač, Nioman… Našy reki sustrakajuć turystaŭ kožnyja vychodnyja. Raskład padarožžaŭ možna znajści na sajtach arhanizataraŭ.
Jak vyhladaje tradycyjny raskład trochdzionnaha tura? Zvyčajna padarožniki vyjazdžajuć ź Minska ŭ piatnicu paśla zakančeńnia pracoŭnaha dnia. Ich čakaje viečar znajomstvaŭ na bierazie raki sa zboram bajdarak i načleh ŭ namiotach. Subota pryśviečana niepasredna spłavu na bajdarkach ź pierapynkam na abied. Narešcie, u niadzielu padarožža pa vadzie praciahvajecca da abiedu, a ŭviečary hrupa viartajecca nazad u Minsk.
Za hetyja dni ŭdajecca prapłyć na bajdarkach 30-50 kiłamietraŭ.Padčas bolšaści z padarožžaŭ praduhledžany «histaryčnyja» prypynki. Naprykład, dla Biareziny heta Bryleŭskaje pole, dzie vojska Napaleona straciła kala 20 tysiač žaŭnieraŭ, a Rasijskaja impieryja — jašče 6 tysiač čałaviek. A na Isłačy možna naviedać reštki pałaca Tyškievičaŭ XVII stahodździa i piacisothadovy dub.
Padarožža kaštuje $70-80 na čałavieka.U hety košt uvachodzić prakat ryštunku i charčavańnie na praciahu padarožža. Kali prychodzić sa svajoj bajdarkaj ci chacia b sa spalnikam albo namiotam, niekalki dalaraŭ možna aščadzić.
Papularnaściu karystajucca i karparatyŭnyja pachody. Dzie jašče, jak nie ŭ vodnym padarožžy, možna pa-sapraŭdnamu ŭlicca ŭ kalektyŭ?
***
Jak arandavać ciepłachod
Turystyčnyja pasłuhi akazvajuć i ciepłachody ŭ biełaruskich partach. Ich dziesiać: Brest, Pinsk, Homiel, Mazyr, Rečyca, Mikaševičy, Hrodna, Mahiloŭ, Babrujsk i Viciebsk. Ciepłachod na chadu kaštuje arandavać 450-700 tysiač rubloŭ za hadzinu, a na stajancy — 310-450 tysiač.
Adzinočnym turystam vyhadniej pakatacca na rejsavych ciepłachodach, jakija złučajuć Homiel, Mahiloŭ, Pinsk i Łojeŭ z susiednimi vioskami. Košt prajezdu składaje 7-22 tysiač rubloŭ.
Pra vodnyja pachody ahienctva «Koła padarožžaŭ» možna pračytać na sajcie bytur.by
Minsk, vuł. Kulman, 1, liter Ž 4/K, korp. 3, ofis 42.
Telefony 8-017-290-99-98, 8-029-690-99-79, 8-029-590-99-83
-
11 hadzin štotydzień. Navukoŭcy adkryli jašče adzin sakret doŭhažycharoŭ
-
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku
-
Jakuju došku dla narezki vybrać — draŭlanuju ci płastykavuju? Što kažuć śpiecyjalisty
Ciapier čytajuć
Pastprad Biełarusi ŭ AAN sustreniecca z Koŭłam i pieradaść jamu pasłańnie ad Łukašenki3
Pastprad Biełarusi ŭ AAN sustreniecca z Koŭłam i pieradaść jamu pasłańnie ad Łukašenki
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było55
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było5
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary