U čaćvier u Kovientry našaja kamanda zhulaje pieršy matč na Alimpijskich hulniach.
Dahetul nivodnaja postsavieckaja kraina nie mahła pachvalicca ŭdziełam svajoj futbolnaj kamandy — mužčynskaj ci žanočaj — u Alimpijskich hulniach. U čaćvier 26 lipienia na poli stadyjona ŭ anhlijskim horadzie Kovientry ŭ 21.45 pa biełaruskim časie našaja kamanda pačnie svoj pieršy matč na Alimpijskich hulniach — suprać zbornaj Novaj Ziełandyi.
Alimpijski futboł dla mianie zaŭsiody byŭ niejki krychu «niedarobleny». Z adnaho boku — značnaść Alimpijskich hulniaŭ jak spartovaj padziei asprečvać ciažka, z druhoha — pryncyp farmavańnia kamandaŭ zaduža alimpijski.Faktyčna, heta moładzievyja zbornyja z futbalistami da 23 hadoŭ z mahčymaściu ŭzmacnieńnia tryma hulcami bolš stałaha vieku. Davoli śpiecyfičnyja kamandy atrymlivajucca — niešta siaredniaje pamiž moładzievymi i nacyjanalnymi. Karaciej — ni dva, ni paŭtara. Vidać, tamu za futbolnymi spabornictvami na Alimpijskich hulniach ja nie duža sačyŭ — jak i za Alimpijadami ŭvohule.
Ale nahoda pahladzieć mienavita hety alimpijski turnir — vydatnaja. Ličycie, što my ŭžo zavočna abstavili ŭsich svaich susiedziaŭ pa «turmie narodaŭ».I zhulajem jak minimum try matčy na Tumannym Albijonie. A tam — jak fartanie! Supiernikami našaj kamandy na pieršym etapie, aprača novaziełandcaŭ, buduć brazilcy i jehipcianie. Dla vychadu ŭ čverćfinał treba zaniać pieršaje ci druhoje miesca ŭ padhrupie.
Brazilskaja futbolnaja słava biažyć papieradzie luboj kamandy z radzimy Piele. U pryncypie, dastatkova hlanuć na skład hetaj alimpijskaj zbornaj, i ŭzrovień stanie zrazumieły: Rafaeł z «Man Junajted», Patu z «Miłana», Marsełu z madrydskaha «Reała», Chałk z «Portu» — poŭny roster zornych brazilcaŭ možna hlanuć na aficyjnaj staroncy Łondanskich hulniaŭ.
U matčy suprać Brazilii (niadziela, Mančester, «Ołd Trafard») kamanda Hieorhija Kandraćjeva budzie mieć najmieniej šancaŭ — ale nielha kazać, što šancaŭ hetych nie budzie ŭvohule.Zakrytaja hulnia ad abarony z raźlikam na niejki šalony standart, pamyłku supiernika ci kontrataku — u taki futboł budzie hulać zbornaja Piatroviča, jak nazyvajuć Kandraćjeva sami hulcy navat u teleintervju. Darečy, futbolnaha alimpijskaha zołata brazilcy nikoli nie brali.
Ale nie budziem hnać koniej. Pieršy matč — suprać nie słaboj Novaj Ziełandyi. Uklučym televizar uviečary ŭ čaćvier i pahladzim, što budzie. Ci budzie hoł Karnilenki hałavoj, albo naš naturalizavany brazilec Bresan zabje sa štrafnoha, a moža, Drahun zamknie fłanhavy pas Sałaŭja, albo atrymajem «poŭny košyk» u svaje varoty — pa vialikim rachunku, nie maje značeńnia.My hulajem u futboł na Alimpijadzie — i heta ŭžo supier.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary