Z kvatery Valeryja Lavonćjeva ckrali dva siejfy z kaštoŭnaściami
Kvateru śpievaka ŭ centry Maskvy abčyścili, kali jon byŭ u Jurmale.
Viadomy rasijski śpiavak Valeryj Lavonćjeŭ staŭ achviaraj kvaternych złodziejaŭ. Kali artyst znachodziŭsia na hastrolach, u jaho apartamienty ŭ Kałakolnikavym zavułku praz čorny chod pranikli rabaŭniki.
— U palicyju z zajavaj źviarnuŭsia dyrektar śpievaka Mikałaj Kara. Škoda pakul nie padličanaja.
Jak stała viadoma, zdabyčaj złačyncaŭ stali dva siejfy, jakija złodziei vynieśli z apartamientaŭ śpievaka, nie navažyŭšysia ŭskryć ich na miescy.
Pavodle papiarednich dadzienych, u siejfach zachoŭvałasia 5 młn rasijskich rubloŭ, adkładzienych artystam na najbližejšyja vydatki. Taksama złodziei źnieśli hadzińnik z dyjamientami i sceničnyja juvielirnyja ŭpryhožańni, mnohija ź jakich taksama byli azdoblenyja bryljantami.
Lavonćjeŭ stała žyvie ŭ Fłarydzie, ZŠA. U kvatery ŭ Maskvie jon spyniajecca, kali pryjazdžaje na radzimu hastralavać.
Kamientary