Budučym prahramistam dastalisia miescy ŭ Studenckaj vioscy
Sioleta ŭ kompleksie «Studenckaja vioska», jaki budujuć u rajonie praśpiekta Dziaržynskaha, buduć zdadzienyja dva novyja internaty.
U adzin ź ich zasielać studentaŭ Biełaruskaha dziaržaŭnaha ŭniviersiteta infarmatyki i radyjoelektroniki, u druhi — navučencaŭ Minskaha dziaržaŭnaha linhvistyčnaha ŭniviersiteta. Kiraŭnictva BDUIRa nazyvaje heta «ŭnikalnym padarunkam» dla moładzi.
— Heta ŭnikalny padarunak dla ŭsich studentaŭ i asabliva dla pieršaha kursa, — adznačyŭ rektar BDUIR Michaił Batura padčas naviedvańnia internata, raźličanaha na 969 miescaŭ.
Jak paviedamlaje sajt VNU, spačatku płanujecca pasialić samych adoranych biudžetnikaŭ, zatym pieravažna płatnikaŭ.
Kožny z błokaŭ u novym internacie pryznačany dla pražyvańnia piaci čałaviek: troch u adnym pakoi i dvuch — u druhim. Dla kamfortu — kuchnia z elektryčnaj plitoj i ladoŭniaj, tualetny i dušavy pakoj. Na kožnym paviersie možna budzie zajmacca roznymi vidami sportu, samapadrychtoŭkaj. Taksama ŭ internacie budzie abstalavanaja stałoŭka na 60 miescaŭ i pralnia ź dziesiaćciu prafiesijnymi pralnymi mašynami. Praduhledžvajucca pandusy i pakoi pavyšanaj kamfortnaści na pieršym paviersie. Da momantu zdačy maje adkrycca stancyja mietro «Piatroŭščyna».
— Ministerstva adukacyi sabrała dadzienyja pa kožnym VNU ab zabiaśpiečanaści inšaharodnich studentaŭ miescami ŭ internatach. I my, na žal, apynulisia ŭ liku najmienš zabiaśpiečanych siarod minskich VNU, — prakamientavaŭ Michaił Batura. — My svoj
Kamientary