U Maskvie 14 krasavika dazvolenyja piać mitynhaŭ pseŭdaapazycyjnych siłaŭ, ale žorstka razahnany Marš niazhodnych, arhanizavany hramadzianskaj kaalicyjaj «Druhaja Rasieja». Padziei nahadvali toje, što adbyvajecca ŭ Biełarusi, tolki ŭ 10‑miljonnaj Maskvie na manifestacyju apazycyi vyjšła mieniej ludziej, čym vychodzić u 2‑miljonnaj biełaruskaj stalicy.
U Maskvie 14 krasavika dazvolenyja piać mitynhaŭ pseŭdaapazycyjnych siłaŭ, ale žorstka razahnany Marš niazhodnych, arhanizavany hramadzianskaj kaalicyjaj «Druhaja Rasieja». Padziei nahadvali toje, što adbyvajecca ŭ Biełarusi, tolki ŭ 10‑miljonnaj Maskvie na manifestacyju apazycyi vyjšła mieniej ludziej, čym vychodzić u 2‑miljonnaj biełaruskaj stalicy.
Na Puškinskaj płoščy Maskvy, dzie pavinien byŭ adbycca «Marš niazhodnych», zatrymany sotni ludziej, u tym liku lidery rasiejskaj apazicyi. Siarod zatrymanych lider Abjadnanaha hramadzianskaha frontu Hary Kasparaŭ, lidery moładzievaha «Jabłoka» Illa Jašyn i moładzievaha ruchu «Da» Maryja Hajdar.
Jak paviedamiŭ u pramym efiry radyjostancyi «Echo Moskvy» sam Kasparaŭ, «nijakich tłumačeńniaŭ pry zatrymańni nie było».
«Ja išoŭ z hrupaj ludziej pa chodniku ŭ bok mietro bieź simvoliki», – raspavioŭ jon.
«Nas uziali ŭ kalco, chapali ŭsich». Jon nazvaŭ dziejańni AMAP «bandyckim napadam na hramadzianaŭ Rasiei, jakija nie rabili ničoha supraćpraŭnaha, prosta išli pa vulicach svajoj stalicy».
Na dumku lidera AHF, Marš niazhodnych užo naŭrad ci atrymajecca pravieści. «Ciapier składana štości pradprymać, usio błakavanaje, u centry horada praktyčna vajennaje stanovišča», – zaznačyŭ Kasparaŭ.
Hary Kasparaŭ zajaviŭ pra sotni zatrymanych aktyvistaŭ, jakija jechali ŭ Maskvu. Dva aŭtobusy z aktyvistami «Druhoj Rośsii» byli spynienyja a 4 hadzinie ranicy ŭ Kastramie. Mašyny spynili pa nadumanaj pryčynie – nibyta ŭ ich byli niaspraŭnyja tormazy. U vyniku, pa jaho słovach, kala 100 čałaviek pavieźli ŭ nieviadomym napramku. A kiraŭnikoŭ miascovych adździaleńniaŭ PDV i AHF ciaham 5 hadzin dapytvali ŭ milicyi, paśla čaho adpuścili.
25 aktyvistaŭ Ab`iadnanaha hramadzianskaha frontu byli zatrymanyja ŭ padmaskoŭnych Myciščach. Siarod ich i siabra Biuro fiederalnaj rady AHF Alaksandr Asaŭcoŭ. Usio adbyłosia ŭ domie adpačynku. Unačy pačałasia pravierka – pa dadzienych milicyi na terytoryi pansijanata chtości stralaŭ. Ranicaj, kali hrupa AHF źbirałasia vyjechać u Maskvu na marš, usich zatrymali, paviedamlaje NEWSru.com.
Patrapić na akcyi pratestu nie zdolejuć i nacyjanał‑balšaviki z Arenburhu. Jak raspavioŭ pres‑sakratar limonaŭcaŭ Alaksandr Avieryn, milicyja naładziła pravakacyju. Apieratyŭniki ŭ cyvilnym zadumali bojku, paśla čaho traich nacbałaŭ adpravili ŭ adździaleńnie. Adzin ź ich u znak pratestu ŭ pamiaškańni dziažurnaj častcy ŭskryŭ sabie vieny. Napiaredadni ŭsich zatrymanych nacyjanał‑balšavikoŭ adpuścili, ale na marš u Maskvu jany nie paśpieli pryjechać.
Nahadajem, što dziela zabieśpiačeńnia hramadskaha paradku padčas masavych akcyj u subotu ŭ Maskvie budzie zadziejničanyja blizu 9 tys. supracoŭnikaŭ pravaachoŭnych orhanaŭ, paviedamiŭ «Interfaksu» namieśnik načalnika ŭpraŭleńnia infarmacyi i hramadskich suviaziaŭ HUUS rasiejskaj stalicy Jaŭhien Hildziejeŭ. Jon dadaŭ, što «hetych siłaŭ budzie dastatkova dla vyrašeńnia zadač pa zabieśpiačeńni pravaparadku».
Urešcie, u mitynhu ŭdzielnikaŭ «Druhoj Rasiei» ŭziali kala 1500 čałaviek, jakim udałosia dajści da miesca zboru. Pierad udzielnikami vystupili Michaił Kaśjanaŭ, Iryna Chakamada, Viktar Šenderovič.
Kamientary