U niadzielu, 29 krasavika, u mienskaj kaviarni «Dobryja Myśli», adkryłasia vystava majstra vycinanki, mastaka j fatohrafa z Ružanaŭ, Jurja Małyšeŭskaha. Piša jahony kaleha j ziamlak, mastak Uładzimier Krukoŭski.
U niadzielu, 29 krasavika, u mienskaj kaviarni «Dobryja Myśli», adkryłasia vystava majstra vycinanki, mastaka j fatohrafa z Ružanaŭ, Jurja Małyšeŭskaha.
Jury Małyšeŭski naradziŭsia ŭ Sibiry ŭ 1956 h., u siamji vajskoŭca. Na ščaście, u rańnim dziacinstvie patrapiŭ na radzimu baćki, u pryhožaje miastečka Ružany na Bieraściejščynie, byłuju rezidencyju kniazioŭ Sapiehaŭ, dzie j žyvie pa siońniašni dzień.
U 1960‑ia hady ja vioŭ hurtok malavańnia u Ružanskim domie pijaneraŭ. Tady j paznajomiŭsia ź Juram. Potym našyja žyćciovyja šlachi razyšlisia, ale ja nie pierastavaŭ sačyć za jahonymi pośpiechami ŭ mastactvie i radavacca im. Jura skončyŭ ružanskuju dziesiacihodku, adsłužyŭ u vojsku j uvieś čas malavaŭ, udaskanalvajučy techniku, zajmaŭsia žyvapisam, raźboju, skulpturaju. Na pačatku 1970‑ch jon paznajomiŭsia j pasiabravaŭ z probaščam Ružanskaha kaścioła Śv. Trojcy Michałam Varanieckim. A Michał Varaniecki dy jašče Viačasłaŭ Dubinka na toj čas byli adzinymi majstrami ŭ Biełarusi, jakija zajmalisia adradžeńniem mastactva vycinanki. Jura Małyšeŭski staŭ nastupnym. Jaho zachapiła vycinanka, jaje dastupnaść, jaje techničnyja mahčymaści. I pryjšli pieršyja pośpiechi.
Jahonyja tvory achvotna kuplajuć hości Ružanaŭ z Polščy j Rasiei, Belhii j Japonii, Švecyi dy Irlandyi, a navat z ekzatyčnaha Madahaskaru. Adbylisia j persanalnyja vystavy: u Pružanach, Kobryni, Pinsku j u Bieraści. U 1986 h. Jury skončyŭ maskoŭski narodny universitet mastactvaŭ, a ŭžo ŭ 1987 h. atrymaŭ medal laŭreata vystavy narodnaje tvorčaści ŭ Maskvie, na VDNH, siońnia maje cełuju kalekcyju dyplomaŭ i hramataŭ, atrymanych na roznych festach, konkursach i ahladach narodnaha mastactva.
Što ž spryjała j spryjaje jahonym tvorčym pośpiecham, akramia pryrodnych zdolnaściaŭ i niastomnaje pracavitaści? Biezumouna, ružanskaje asiarodździe. Niekalki vydatnych pomnikaŭ architektury j adzin tolki vieličny lehiendarny pałac Sapiehaŭ varty asobnaje vialikaje havorki, cudoŭnyja krajavidy, histaryčnyja miaściny j padańni Ružanščyny. I, kaniečnie, jaje ludzi. Usio heta natchniaje mastaka na stvareńnie niečakanych vobrazaŭ, cikavych siužetaŭ, aryhinalnych kampazycyjau.
Siońnia Jurju Małyšeŭskamu za 50. Jon siabra Biełaruskaha sajuza narodnych majstroŭ, baćka darosłych dziaciej. Užo 15 hadou kiruje dziciačaj studyjaj narodnaje tvorčaści, zajmajecca restaŭracyjaj interjeraŭ navakolnych kaściołaŭ i cerkvaŭ, lubić Ružany, vydatna viedaje ich historyju, źbiraje j zachoŭvaje ŭsie, što ź imi źviazana.
I vycinaje z papiery karunki z ružaŭ, abłokaŭ, drevaŭ, viežaŭ, krajavidaŭ Ružanaŭ.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary