Ale prajhrali matč. Kanada — Biełaruś 6:3.
U piatnicu zbornaja Biełarusi pa chakiei praviała pieršy matč druhoha kvalifikacyjnaha raundu čempijanatu śvietu pa chakiei. Supiernikam našaj kamandy byli rodapačynalniki chakieju, dvaccacitrochrazovyja čempijony śvietu — zbornaja Kanady.
U pieršym peryjadzie matču z kanadcami biełarusy vałodali inicyjatyvaj. Užo na vośmaj chvilinie Ŭharaŭ skarystaŭ kolkasnuju pieravahu i adkryŭ lik. Paśla biełarusy jašče mieli niekalki dobrych momantaŭ, kab raźvić pośpiech, ale zrabić heta nie atrymałasia.
Druhi peryjad staŭ sapraŭdnym žacham dla biełarusaŭ. Zdavałasia, što ŭ bramy navička čempijanataŭ śvietu Ściapana Haračeŭskich traplała ŭsio, što tudy lacieła. Vynik zusim niepryjemny — 0:5. Urešcie Haračeŭskich pamianiali na vopytnaha Miezina. Andrej pamylaŭsia značna mienš, ale heta ŭžo nia vyratavała biełarusaŭ.
U trecim peryjadzie biełarusy taksama zakinuli pieršymi: u siaredzinie peryjadu adznačyŭsia abaronca Alaksandar Radzinski. Prykancy kanadcy adkazali jašče adnym hołam. Za chvilinu ź nievialikim da zakančeńnia peryjadu Andrej Mialeška skaraciŭ razryŭ da troch šajb — 3:6.
Stanovišča kamandaŭ u našaj hrupie paśla troch hulniaŭ: Kanada — 9 punktaŭ, ZŠA, Čechija — pa 6, Słavakija, Niamieččyna — pa 3, Biełaruś — 0.
6 traŭnia biełarusy zhulajuć z Słavakijaj, a 7‑ha — sa zbornaj Niamieččyny. Navat pieramohi ŭ dvuch hetych matčach nie harantujuć trapleńnia ŭ płej‑of.
Kamientary