Siarod matčaŭ piataha turu čempijanatu Biełarusi pa futbole vyłučalisia dva matčy — u Bieraści i Salihorsku.
Siarod matčaŭ piataha turu čempijanatu Biełarusi pa futbole vyłučalisia dva matčy — u Bieraści i Salihorsku.
Cikavaść da sustrečy miž bieraściejskim «Dynama» i BATE była najpierš praz toje, što kamandy 27 traŭnia razyhrajuć u Miensku Kubak Biełarusi. U Bieraści była jak by hieneralnaja repetycyja finału. Vynik ža staŭ niečakanym. BATE, jaki jašče nikomu nie prajhravaŭ u sezonie, byŭ nie padobny na siabie. Pieršy tajm skončyŭsia «pa nulach». U druhim ža «dynamaŭski» kapitan Viktar Sokał zrabiŭ dubl. BATE chapiła tolki na toje, kab zabić hoł prestyžu na čaćviortaj dadadzienaj chvilinie — 1:2.
Niahledziačy na parazu, BATE ŭsio adno zachavaŭ liderskija pazycyi, bo MTZ‑RIPA svaju hulniu źvioŭ uničyju. «Šachcior» i MTZ kamandy prykładna adnaho ŭzroŭniu, tamu ŭ kančatkovym vyniku matča ničoha dziŭnaha niama —1:1. Na hoł «traktarazavodca» Ščehrykovič, «Šachcior» adkazaŭ miačom Klimienki — 1:1.
«Homiel» doma razhramiŭ «Dniapro» — 4:0. Chiet‑tryk (try hały za hulniu) zrabiŭ Raman Vasiluk, jašče adzin hoł na rachunku Valerja Strypiejkisa.
Iznoŭ prajhrała mienskaje «Dynama». Hetym razam u Navapołacku — 0:1. Pazycyi trenera mienčukoŭ Chackieviča chistajucca ŭsio bolej. «Dynama» ciapier z čatyrma punktami zajmaje dvanaccataje miesca.
Pieramoha ž dazvoliła «Naftanu» syści z apošniaha radka ŭ tablicy. Ciapier hetaje zusim nie hanarovaje miesca znoŭ zajmaje «Viciebsk». Kamanda nijak nia moža znajści novaha hałoŭnaha trenera. Pry časovym nastaŭniku Jurju Kanaplovu, klub syhraŭ uničyju ź «Niomanam» — 0:0.
Astatnija matčy turu prynieśli nastupnyja vyniki: «Tarpeda» — «Smurhoni» 1:0, «Daryda» — «Miensk» 0:0.
Turnirnaja tablica paśla piaci turaŭ vyhladaje nastupnym čynam:
BATE — 12 punktaŭ, MTZ‑RIPA — 11, «Homiel», «Šachcior», «Nioman», «Tarpeda», «Dynama» (Bieraście) — pa 8, «Daryda» — 7, «Smurhoni», «Miensk», «Dniapro» — pa 5, «Dynama» (Miensk) — 4, «Naftan» — 3, «Viciebsk» — 2.
Najlepšy bambardzir Raman Vasiluk («Homiel») — 6 hałoŭ.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary