Užo abstalavali hniazdo dla busła. Da 6 červienia, dnia naradžeńnia Elizy Ažeški, na miescy byłoj kaplicy aśvieciać kryž. Planujuć taksama adnavić adzin z zachavanych budynkaŭ, dzie raźmieścicca muzej.
U vioscy Milkaŭščyna Hrodzienskaha rajona, raźmieščanaj za 10 km ad horada Skidziela, na miescy byłoj siadziby Elizy Ažeški budzie stvorany turyscki kompleks, paviedamiŭ BIEŁTA namieśnik staršyni Hrodzienskaha rajvykankama Valeryj Klimovič.
Pavodle jaho słoŭ, dobraŭparadkavańnie siadziby praduhledžana płanam mierapryjemstvaŭ pa ŭviadzieńniu ŭ haspadarčy abarot budynkaŭ, jakija zakinuty i nieefiektyŭna vykarystoŭvajucca. Prajekt realizujecca transpartna-turysckim unitarnym pradpryjemstvam "Skidzieltranstur".
Valeryj Klimovič raskazaŭ, što na siadzibie ŭžo viaducca adnaŭlenčyja raboty, jakija płanujecca zaviaršyć u budučym hodzie. Abstalavana hniazdo dla busła. Da 6 červienia, dnia naradžeńnia Elizy Ažeški, na miescy byłoj kaplicy budzie ŭstanoŭleny i aśviačony kryž. Płanujecca taksama adnavić adzin z zachavanych budynkaŭ, dzie raźmieścicca muziej.
Adnaŭleńnie siadziby znakamitaj piśmieńnicy budzie sadziejničać raźvićciu turyzmu ŭ Hrodzienskim rajonie, ličyć subiasiednik. Milkaŭščynu i ciapier najbolš naviedvajuć turysty ź Biełarusi i Polščy, jana ŭklučana ŭ turyscki maršrut "Darohaj Elizy Ažeški i Adama Mickieviča". Da hetaha času na miescy byłoj siadziby zachavałasia klanovaja aleja, kałodziež, stary śviran z padvałam. Za paradkam tut sočać vučni Milkaŭščynskaj bazavaj škoły, jakoj u minułym hodzie było prysvojena imia Elizy Ažeški, adznačyŭ śpiecyjalist.
Kamientary