Volf Rubinčyk, Miensk
U Biełarusi vyśvietlenyja imiony blizu 500 Praviednikaŭ narodaŭ śvietu — tych, chto ŭ 1941—44 h. ratavaŭ habrejaŭ ad śmierci. Jany ryzykavali nia tolki svaim žyćciom, ale i žyćciom svaich dziaciej. Časta j hinuli praz danosy susiedziaŭ: “Jak žydoŭ prymać chto budzie, dyk zarežuć i taho…”
26 kastryčnika – dzień pakarańnia nacystami pieršych mienskich padpolščykaŭ u 1941 h. Z 2001 hodu jon adznačajecca “Maładym frontam” jak Dzień hierojaŭ antyfašysckaha supracivu ŭ Biełarusi. Vidavočna, patrebny i Dzień biełaruskich Praviednikaŭ. Žyvych Praviednikaŭ zastałosia vielmi mała: historyk Ina Hierasimava śćviardžaje, što viadomyja 75 čałaviek va ŭsioj Biełarusi. Hety cpis budzie papaŭniacca, kali biełaruskija habrei z roznych krainaŭ śvietu jak śled naładziać pošuki svaich ratavalnikaŭ.
Na žal, tutejšyja jaŭrejskija supołki, čyju dziejazdolnaść zaśviedčyŭ letašni znos synahohi na Dzimitrava, 3 u Miensku, nie śpiašajucca navat zakłaści tradycyju Dnia praviednikaŭ u Biełarusi. Inicyjatyva jaho praviadzieńnia mahła b abjadnać i ŭrad, i niaŭradavyja arhanizacyi, i biełarusaŭ, i habrejaŭ, i šmat kaho jašče. Bo pamiać pra hierojaŭ vajny darahaja ŭsim.
Kamientary