БАТЭ падпісаў кантракт з латвійскім галкіперам, які нават забіў гол
У чацвер барысаўскі БАТЭ падпісаў кантракт да канца года з латвійскім галкіперам Германам Маліньшам, які паспяхова прайшоў прагляд у клубе.
Герман Маліньш нарадзіўся ў 1987 г. З 2008 г. гуляў за рыжскі «Сконта», у двух апошніх сезонах з’яўляўся асноўным брамнікам гэтага самага тытулаванага клуба Латвіі. Усяго за «Сконта» Маліньш правёў 93 сустрэчы, у якіх прапусціў 64 мячы. Станавіўся чэмпіёнам Латвіі ў 2010 г., двойчы прызнаваўся найлепшым галкіперам чэмпіянату (2011, 2012), у мінулым годзе быў капітанам «Сконта».
У кар’еры Маліньша ёсць і забіты гол. 13 жніўня 2011 года яго каманда саступала на сваім полі «Юрмале» 0:1. А на94-й хвіліне Маліньш, які падключыўся ў атаку, зраўняў лік.
Герман выступаў за юнацкія і маладзёжную зборную Латвіі, запрашаецца ў нацыянальную дружыну, за якую, зрэшты, пакуль так і не дэбютаваў.
Герман Маліньш правёў некалькі таварыскіх матчаў за БАТЭ падчас трэніровачных збораў.
Цяпер чытаюць
У Мінску адкрылі першы дыяганальны пешаходны пераход1
У Мінску адкрылі першы дыяганальны пешаходны пераход
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары