Беларуская эканоміка вярнулася на дакрызісную траекторыю развіцця, калі эканамічны рост забяспечваецца за кошт унутранага попыту.Пра гэта гаворыцца ў чэрвеньскай аналітычнай запісцы, падрыхтаванай экспертамі Беларускага эканамічнага
Аўтары даследавання, у якім характарызуецца эканамічная палітыка ў Беларусі пасля валютнага крызісу, адзначаюць, што ў краіне адбылося пераключэнне рэжымаў эканамічнага росту і цяпер гэты рост забяспечваецца за кошт унутранага попыту.
Пераключэнне на ўнутраны попыт адбыўся ў другой палове 2012 года, калі Беларусь па патрабаванні Расіі спыніла экспарт растваральнікаў і разбавіцеляў, адзначаюць эксперты.
«У новых умовах магчымасці росту за кошт знешняга попыту былі вычарпаныя: знікла магчымасць выкарыстоўваць „
Як вынік — эканамічны рост у краіне стаў забяспечвацца выключна за кошт унутранага попыту.
Паводле дадзеных аўтараў даследавання, уклад унутранага попыту ў прырост ВУП у другім паўгоддзі 2012 года склаў 4,1%, уклад знешняга попыту быў адмоўным.Паводле дадзеных Мінэканомікі Беларусі, эканамічны рост у першай палове 2013 года працягваў забяспечвацца за кошт унутранага попыту.
Паводле ацэнак экспертаў BEROC, эканамічны рост за кошт унутранага попыту стаў магчымы дзякуючы павелічэнню аб’ёмаў крэдытавання эканомікі і хуткаму росту заробкаў.
«Адраджэнне старога „сацыяльнага кантракта“ прывяло і да адраджэння ранейшага (дакрызіснага) сцэнарыя эканамічнай палітыкі і ранейшага рэжыму росту. Аднак у гэтым выпадку амаль непазбежнае і новае сутыкненне з праблемай неадпаведнасці жаданага тэмпу эканамічнага росту з тым, які генеруе цяперашняя мадэль беларускай эканомікі», — гаворыцца ў аналітычнай запісцы цэнтра.
Паводле меркавання экспертаў BEROC, для прадухілення новых пагроз пры такой траекторыі развіцця «шматкроць узрастае актуальнасць пошуку новых крыніц доўгатэрміновага росту і правядзення структурных рэформ».
Разам з тым, канстатуюць аўтары даследавання, у бок структурных рэформ, «скіраваных на фарміраванне новых крыніц росту, значных дзеянняў у посткрызісны перыяд зроблена не было».
Як паведамлялася раней, цяпер эканамічныя ўлады рыхтуюць прагноз
Паводле меркавання беларускіх эканамістаў, якія прадстаўляюць недзяржаўныя даследчыя цэнтры, спробы забяспечыць рост за кошт унутранага попыту могуць прывесці да нарастання негатыўных тэндэнцый у эканоміцы— павелічэння дэфіцыту плацежнага балансу, зніжэння велічыні золатавалютных рэзерваў.
- BEROC — незалежны акадэмічны даследчы цэнтр у галіне эканамічных даследаванняў у Беларусі — пачаў сваю дзейнасць у 2008 годзе як сумесны праект Стакгольмскага інстытута пераходных эканомік (SITE) і Эканамічнага адукацыйнага і даследчага кансорцыума (EERC) пры фінансавай падтрымцы Шведскага агенцтва па развіцці (SIDA) і Фонду Еўразія (East Europe Foundation). BEROC праводзіць акадэмічныя і прыкладныя даследаванні, арганізуе адукацыйныя праграмы па сучаснай эканоміцы і ажыццяўляе іншую актуальную дзейнасць. BEROC з’яўляецца часткай сеткі даследчых цэнтраў, у якую ўваходзяць SITE (Стакгольм), BICEPS (Рыга), CEFIR (Масква), CenEA (Шчэцін) і KEI (Кіеў).
Каментары