Biełaruskaja ekanomika viarnułasia na dakryzisnuju trajektoryju raźvićcia, kali ekanamičny rost zabiaśpiečvajecca za košt unutranaha popytu.Pra heta havorycca ŭ červieńskaj analityčnaj zapiscy, padrychtavanaj ekśpiertami Biełaruskaha ekanamičnaha
Aŭtary daśledavańnia, u jakim charaktaryzujecca ekanamičnaja palityka ŭ Biełarusi paśla valutnaha kryzisu, adznačajuć, što ŭ krainie adbyłosia pieraklučeńnie režymaŭ ekanamičnaha rostu i ciapier hety rost zabiaśpiečvajecca za košt unutranaha popytu.
Pieraklučeńnie na ŭnutrany popyt adbyŭsia ŭ druhoj pałovie 2012 hoda, kali Biełaruś pa patrabavańni Rasii spyniła ekspart rastvaralnikaŭ i razbavicielaŭ, adznačajuć ekśpierty.
«U novych umovach mahčymaści rostu za košt źniešniaha popytu byli vyčarpanyja: źnikła mahčymaść vykarystoŭvać „
Jak vynik — ekanamičny rost u krainie staŭ zabiaśpiečvacca vyklučna za košt unutranaha popytu.
Pavodle dadzienych aŭtaraŭ daśledavańnia, układ unutranaha popytu ŭ pryrost VUP u druhim paŭhodździ 2012 hoda skłaŭ 4,1%, układ źniešniaha popytu byŭ admoŭnym.Pavodle dadzienych Minekanomiki Biełarusi, ekanamičny rost u pieršaj pałovie 2013 hoda praciahvaŭ zabiaśpiečvacca za košt unutranaha popytu.
Pavodle acenak ekśpiertaŭ BEROC, ekanamičny rost za košt unutranaha popytu staŭ mahčymy dziakujučy pavieličeńniu abjomaŭ kredytavańnia ekanomiki i chutkamu rostu zarobkaŭ.
«Adradžeńnie staroha „sacyjalnaha kantrakta“ pryviało i da adradžeńnia raniejšaha (dakryzisnaha) scenaryja ekanamičnaj palityki i raniejšaha režymu rostu. Adnak u hetym vypadku amal niepaźbiežnaje i novaje sutyknieńnie z prablemaj nieadpaviednaści žadanaha tempu ekanamičnaha rostu z tym, jaki hienieruje ciapierašniaja madel biełaruskaj ekanomiki», — havorycca ŭ analityčnaj zapiscy centra.
Pavodle mierkavańnia ekśpiertaŭ BEROC, dla praduchileńnia novych pahroz pry takoj trajektoryi raźvićcia «šmatkroć uzrastaje aktualnaść pošuku novych krynic doŭhaterminovaha rostu i praviadzieńnia strukturnych reform».
Razam z tym, kanstatujuć aŭtary daśledavańnia, u bok strukturnych reform, «skiravanych na farmiravańnie novych krynic rostu, značnych dziejańniaŭ u postkryzisny pieryjad zroblena nie było».
Jak paviedamlałasia raniej, ciapier ekanamičnyja ŭłady rychtujuć prahnoz
Pavodle mierkavańnia biełaruskich ekanamistaŭ, jakija pradstaŭlajuć niedziaržaŭnyja daśledčyja centry, sproby zabiaśpiečyć rost za košt unutranaha popytu mohuć pryvieści da narastańnia niehatyŭnych tendencyj u ekanomicy— pavieličeńnia deficytu płaciežnaha bałansu, źnižeńnia vieličyni zołatavalutnych reziervaŭ.
- BEROC — niezaležny akademičny daśledčy centr u halinie ekanamičnych daśledavańniaŭ u Biełarusi — pačaŭ svaju dziejnaść u 2008 hodzie jak sumiesny prajekt Stakholmskaha instytuta pierachodnych ekanomik (SITE) i Ekanamičnaha adukacyjnaha i daśledčaha kansorcyuma (EERC) pry finansavaj padtrymcy Šviedskaha ahienctva pa raźvićci (SIDA) i Fondu Jeŭrazija (East Europe Foundation). BEROC pravodzić akademičnyja i prykładnyja daśledavańni, arhanizuje adukacyjnyja prahramy pa sučasnaj ekanomicy i ažyćciaŭlaje inšuju aktualnuju dziejnaść. BEROC źjaŭlajecca častkaj sietki daśledčych centraŭ, u jakuju ŭvachodziać SITE (Stakholm), BICEPS (Ryha), CEFIR (Maskva), CenEA (Ščecin) i KEI (Kijeŭ).
Kamientary