Цагляныя і каркасна-блочныя дамы для льготнікаў больш будаваць не будуць
Льготнікі цяпер могуць разлічваць толькі на панэлькі.
Міністэрства архітэктуры і будаўніцтва супольна з аблвыканкамамі і Мінскім гарвыканкамам павінны прыняць меры для поўнай загрузкі магутнасцей домабудаўнічых камбінатаў (ДБК) і камбінатаў буйнапанэльнага домабудавання (КБД) на рэшту 2013 года і найбліжэйшыя гады. Такое даручэнне даў кіраўнік Адміністрацыі прэзідэнта Андрэй Кабякоў на чарговым пасяджэнні працоўнай групы па праблемных пытаннях у будаўніцтве, паведамляе карэспандэнт БЕЛТА.
«Гаворка ідзе аб простых кіраўніцкіх рашэннях, якія не патрабуюць дадатковых рэсурсаў, неабходна толькі пераразмеркаваць дзяржаўныя заказы», — адзначыў старшыня Камітэта дзяржаўнага кантролю (КДК) Аляксандр Якабсон, які ўдзельнічаў у паседжаннях працоўнай групы.
Група выявіла, што льготнікамі часта будаваліся дома па праектах і з матэрыялаў цэнавай катэгорыі элітнага жылля, што, на думку Дзяржкантролю, прыводзіла да дэфіцыту фінансавання і прыпынення будаўнічых работ. Як пракаментаваў такую сітуацыю старшыня КДК, няма нічога дрэннага ў тым, каб грамадзяне будавалі элітныя дамы, але для гэтага не павінны выкарыстоўвацца дзяржаўныя сродкі.
Прычынамі будаўніцтва дарагіх дамоў для льготнікаў выканкамы і замоўцы называлі нібыта адсутнасць у адпаведных рэгіёнах магчымасці размясціць заказы на ДБК і КБД. Дэфіцыт вытворчых магутнасцей іх звязвалі з незавершанай мадэрнізацыяй вытворчасці. Аднак такая інфармацыя пры праверцы не пацвердзілася.
Сапраўды, мадэрнізаваны толькі 7 з 20 ДБК і КБД. Аднак іх магутнасцей у памеры больш за 2 млн. кв.м у год, па ацэнцы КДК, дастаткова, каб забяспечыць будаўніцтва неабходнай колькасці жылля для маючых патрэбу ў рамках дзяржаўнага заказу і па нармальнай цане.
Пры гэтым у ходзе дакладу намесніка міністра архітэктуры і будаўніцтва Сяргея Ластачкіна высветлілася, што мадэрнізаваныя магутнасці задзейнічаны не поўнасцю. Паводле яго слоў, прычына — у імкненні аблвыканкамаў задзейнічаць для рэалізацыі дзяржаўнага заказу будаўніцтва жылля перш за ўсё магутнасці прадпрыемстваў камунальнай уласнасці. У іншых выпадках не выкарыстоўваліся магчымасці ДБК і КБД суседніх рэгіёнаў, а падобныя мясцовыя структуры былі няздатныя асвоіць увесь абсяг замоваў.
Удзельнікі пасяджэнняў рэкамендавалі Мінбудархітэктуры цвярдзей адстойваць інтарэсы ДБК і КБД, выправіць сітуацыю з іх няпоўнай загрузкай.
-
Пры ўзвядзенні дома ў Мінску будаўнікі замянілі керамзітабетон на «гіпсакардон». Людзі забілі трывогу
-
«Зладзілі маленькі Кітай». Што вядома пра новую вытворчасць халадзільнікаў у Баранавічах
-
«Галоўная крыніца выдаткаў — гэта часта адносіны». Айцішнік расказаў, як за тры гады купіў кватэру ў Тбілісі з заробку
Каментары