Сацыяльная сетка Facebook абвясціла, што карыстальнікі больш не змогуць хаваць свой профіль у пошуку. Пра гэта гаворыцца на афіцыйнай старонцы кампаніі.
Опцыю «Хто можа шукаць вашу хроніку па імені?» выдалілі з наладак яшчэ ў мінулым годзе, але толькі ў тых падпісантаў, у якіх яна не была ўключана. Цяпер цягам бліжэйшых тыдняў гэтая опцыя знікне ў кліентаў Facebook, якія ёй карысталіся.
У сацсетцы адзначылі, што так рабіла невялікая колькасць падпісчыкаў Facebook.
Акрамя таго, кампанія заяўляе, што карыстальнікам важней кантраляваць інфармацыю, якой яны дзеляцца, а не спосаб, з дапамогай якога можна знайсці іх профіль.
Каментары