Грамадства

Nashaniva.com

11.06.2026 / 15:40

У Беларусі з'явяцца «Торф-гатэль» і вузкакалейка для турыстаў

У Беларусі на базе першага тарфабрыкетнага завода ў пасёлку Усяж Смалявіцкага раёна адкрыўся Цэнтр тарфяной прамысловасці. Яго мэта — захаванне гісторыі галіны, развіццё прамысловага турызму і знаёмства наведвальнікаў з працэсам здабычы і перапрацоўкі торфу, паведамляе БелТА.

У будучыні тут плануецца стварыць цэлы турыстычны комплекс. Сярод асноўных праектаў:

будаўніцтва вузкакалейнай чыгункі са станцыямі для экскурсійных паездак;
стварэнне натурнай пляцоўкі кінастудыі «Беларусьфільм», якую ўжо называюць «Смалівуд»;
рэканструкцыя будынка «БелПаліваГазКамплект» пад гатэль «Торф-гатэль»;
распрацоўка пешых, роварных і чыгуначных турыстычных маршрутаў.

Таксама прадугледжваецца адкрыццё садовага цэнтра з прадукцыяй на аснове торфу, правядзенне турзлётаў, фестываляў, спаборніцтваў па тарфяным футболе, джып-трыялу «Тарфяны фарсаж», а таксама будаўніцтва тэматычных тарфяных домікаў.

Паводле даных галіны, штогод у Беларусі здабываецца каля 2 мільёнаў тон торфу. З яго вырабляюць прыкладна 1 мільён тон прадукцыі: каля 800 тысяч тон выкарыстоўваецца як паліва, што дазваляе замяшчаць да 400 мільёнаў кубаметраў прыроднага газу, яшчэ каля 200 тысяч тон ідзе на няпаліўныя патрэбы — у тым ліку для сельскай гаспадаркі і іншых сфер.

Чытайце яшчэ

Каментары

Цяпер чытаюць

У дзіцячы садок — з чамаданам выбухоўкі. Гісторыя першага беларускага тэрарыста5 5

Цалкам аднавілі рух «Штадлераў» паміж Мінскам і Рудзенскам

«Дык што вам яшчэ трэба, шаноўныя кіраўнікі ЕГУ?» Севярынец заклікаў беларусізаваць універсітэт, пакуль не позна3 3

Блогерка, што пераехала з Піцера пад Мінск, скардзіцца, што ніводзін забудоўшчык не звярнуўся да яе па рэкламу2 2

У цэнтры ўпраўлення перавозкамі Беларускай чыгункі цэлы паверх адвялі вайскоўцам2 2