Ёсьць вялікая верагоднасьць таго, што па сканчэньні сэзону ў менскім «Дынама», якое праваліла чэмпіянат, адбудзецца чарговая зьмена трэнера.
Сярод кандыдатаў у пераемнікі Аляксандру Хацкевіча найбольшыя шанцы мае 34‑х гадовы Міраслаў Рамашчанка, які ўзначальвае дублёраў маскоўскага «Спартака». І хоць у маладога спэцыяліста, які ў свой час выступаў за зборную Беларусі поруч з Хацкевічам, ёсьць прапановы ад клюбаў першай і другой расейскіх ліг, менскі варыянт разглядаецца як асноўны.
Падобна, што усё можа вырашыцца ў канцы гэтага тыдня. Калі дамоўленасьць з дынамаўскім кіраўніцтвам будзе дасягнута, Рамашчанка зьявіцца ў новай для сябе каманды не адзін, а са сваім трэнерскім штабам, у які, хутчэй за ўсё, увойдуць яго асыстэнт па спартакаўскім дублі Валеры Кечынаў, а таксама адзін з трэнераў екацярынбурскага «Урала» Уладзімер Блужын.
Каментары