Новы мэр Мінска: Кошт пражывання ў мінскіх гатэлях вышэйшы, чым у Вільні і Варшаве
Старшыня Мінгарвыканкама Андрэй Шорац паставіў задачу знізіць кошт пражывання ў трох- і чатырохзоркавых гасцініцах Мінска. Аб гэтым ён заявіў на аператыўнай нарадзе.
«Кошт пражывання ў трох- і чатырохзоркавых гасцініцах Мінска вышэйшы, чым у гатэлях Варшавы, Вільні, Рыгі. І калі мы хочам прыцягнуць у наступным годзе ў сталіцу каля 200 тыс. турыстаў з рэгіёнаў, то неабходна папрацаваць у гэтым напрамку. Упраўленне бытавога і гасцінічнага абслугоўвання насельніцтва Мінгарвыканкама павінна выпрацаваць адзіную палітыку па фарміраванні цэн на гасцінічныя нумары», - сказаў Андрэй Шорац.
Як паведаміў начальнік упраўлення бытавога і гасцінічнага абслугоўвання насельніцтва Мінгарвыканкама Андрэй Новікаў, рост прапанавання на рынку гасціннасці Мінска станоўча паўплываў на кошт пражывання ў гасцініцах горада. У 2013 годзе ў параўнанні з 2012-м сярэдні кошт размяшчэння ў сталіцы знізіўся на 16%, чакаецца, што ў 2014 годзе ён знізіцца на 20-25%.
Сёння сярэдняя цана на пражыванне ў стандартным аднамесным нумары ў пяцізоркавых гатэлях складае 140 еўра, чатырохзоркавых - 115 еўра, трохзоркавых - 61 еўра, двухзоркавых - каля 30 еўра.
У Мінску працуюць 44 гасцініцы на 9320 месц.
Каментары