Прэм'ер-міністр Украіны Арсеній Яцанюк паведаміў аб планах павялічыць колькасць асабовага складу арміі краіны са 184 тысяч чалавек да 250 тысяч.
«Урад Украіны ўносіць у парламент закон аб павелічэнні агульнай колькасці Узброеных сіл Украіны. Мы прапануем ўстанавіць колькасць Узброеных сіл ў 250 тысяч чалавек, гэта павелічэнне на 66 тысяч чалавек», — заявіў Яцанюк на пасяджэнні ўрада ў сераду.
Прэм'ер удакладніў, што пасля прыняцця закона ўласна вайскоўцаў у арміі будзе 204 тысячы чалавек, і дадаў, што лічыць гэту ініцыятывай вельмі важнай і просіць Вярхоўную Раду разгледзець адпаведны законапраект на першым жа пленарным пасяджэнні.
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі7
Каментары