Міністр энергетыкі і вугальнай прамысловасці Украіны Уладзімір Демчышын заявіў, што Міністэрства камерцыі Кітая і Банк развіцця пацвердзілі сваю гатоўнасць выдзеліць Украіне $3,6 млрд крэдыту на праекты па замяшчэнню прыроднага газу.
Пра гэта паведамляюць «Украінскія навіны» са спасылкай на інтэрв'ю міністра часопісу «Фокус».
«Наша дэлегацыя толькі што вярнулася з Кітая, дзе сустракалася з прадстаўнікамі Міністэрства камерцыі КНР і Банка развіцця. Яны пацвердзілі гатоўнасць выдзеліць крэдыт 3,6 млрд даляраў на праекты па газазамяшчэнню», — сказаў міністр.
Ён адзначыў, што гэтыя крэдытныя сродкі будуць накіраваныя на мадэрнізацыю ЦЭЦ, цеплавых сетак і, магчыма, на будаўніцтва ў Адэсе завода па газіфікацыі вугалю.
Ёсць таксама планы інвеставаць у мадэрнізацыю газаперапрацоўчага завода ў Харкаўскай вобласці і рамонт газавых буравых свідравін.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары