Пра гэта паведаміў начальнік службы Белгідрамета Дзмітрый Рабаў.
«У апошнія дні зімы надвор'е будзе праходзіць па вясновым сцэнарыі.
Сярэдняя тэмпература паветра чакаецца на 6—8 градусаў вышэйшай за норму, і такое надвор'е характэрна для канца сакавіка. У нашу краіну будзе паступаць цёплае і вільготнае паветра з поўдня Еўропы», — паведаміў сіноптык.
У аўторак на большай частцы тэрыторыі ападкі (у асноўным дождж). Месцамі туман. Ноччу і раніцай у асобных раёнах слабы галалёд, на дарогах галалёдзіца.
Тэмпература паветра ноччу мінус 2 — плюс 4°С, днём плюс 3—9°С.
У сераду таксама на большай частцы тэрыторыі кароткачасовыя ападкі, у асноўным дождж. Ноччу і раніцай месцамі туман, слабы галалёд, на дарогах галалёдзіца. Тэмпература паветра ноччу мінус 2 — плюс 5°С, днём плюс 2—9°С.
У чацвер ноччу месцамі, днём на большай частцы тэрыторыі кароткачасовыя ападкі (дождж, мокры снег). У асобных раёнах туман, ноччу і раніцай слабы галалёд, на дарогах галалёдзіца. Тэмпература паветра ноччу ад мінус 4°С па паўночным усходзе да плюс 4°С па паўднёвым захадзе, днём плюс 1—8°С.
У пятніцу праз Беларусь будзе праходзіць актыўны атмасферны фронт. Ён прынясе на большую частку тэрыторыі больш інтэнсіўныя ападкі: дождж і мокры снег.
У асобных раёнах туман, ноччу і раніцай слабы галалёд, на дарогах галалёдзіца. Тэмпература паветра ноччу мінус 3 — плюс 3°С, днём плюс 1—8°С.
У выхадныя дні з ростам атмасфернага ціску ападкаў стане менш, яны пройдуць ужо месцамі ў выглядзе дажджу і мокрага снегу і будуць насіць кароткачасовы характар. У асобных раёнах ноччу і раніцай туман, слабы галалёд, на дарогах галалёдзіца.
Тэмпература паветра ноччу мінус 4 — плюс 2°С, днём 0 — плюс 7°С.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары