Рэжысёры Андрэй Канчалоўскі і Мікіта Міхалкоў папрасілі ў прэзідэнта Уладзіміра Пуціна дапамогі ў стварэнні нацыянальнай сеткі кафэ грамадскага харчавання пад брэндам «Едим дома!», выдаткі на запуск якой ацэньваюцца ў 971,8 млн рублёў.
Газета прыводзіць вытрымкі з ліста, якое аўтары ідэі накіравалі Пуціну ў сярэдзіне сакавіка: «Мэта гэтага праекта - садзейнічаць імпартазамяшчэнню і стварэнню альтэрнатывы заходнім сеткам фастфуду». Тварам новай сеткі кафэ рэжысёры прапануюць зрабіць жонку Канчалоўскага — тэлевядучую Юлію Высоцкую, якая валодае аднайменным брэндам.
Гэтак сур'ёзныя інвестыцыі ў праект аўтары разлічваюць вярнуць менш чым за пяць гадоў. У рамках праекта па ўсёй краіне будзе створана сетка магазінаў-кафэ, асартымент якіх будзе складацца на 30-40% з мясцовых прадуктаў. Установы сеткі прапануецца зрабіць пастаўшчыкамі харчавання для сацыяльных устаноў, у тым ліку дзіцячых дамоў і інтэрнатаў.
Пачаць рэалізацыю праекта рэжысёры плануюць у Маскоўскай і Калужскай абласцях, дзе будуць пабудаваны дзве фабрыкі-кухні і адкрыты 41 кафэ і 91 кулінарыя. «Улічваючы сацыяльна-палітычны характар праекта … просім даручыць ажыццяўленне праекта «Едим дома» ураду РФ », — рэзюмуюць Канчалоўскі і Міхалкоў.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары