Служба радыяцыйна-экалагічнага маніторынгу: Змен у радыяцыйнай абстаноўцы ў Беларусі няма
«28-29 красавіка 2015 радыяцыйная абстаноўка на тэрыторыі Беларусі застаецца стабільнай. Перавышэння узроўняў магутнасці дозы (МД) гама-выпраменьвання над шматгадовымі значэннямі не зафіксавана, — паведамілі ў Службе радыяцыйна-экалагічнага маніторынгу Гідрамета.
— МД гама-выпраменьвання складае 0,10-0,13 мкЗв/гадзіну. Натуральныя ўзроўні МД гама-выпраменьвання для тэрыторыі рэспублікі знаходзяцца ў межах да 0,2 мкЗв/гадзіну. Больш высокія значэнні МД гама-выпраменьвання захоўваюцца ў пунктах радыяцыйнага маніторынгу, размешчаных на тэрыторыях, забруджаных у выніку катастрофы на Чарнобыльскай АЭС. У Брагіне МД гама-выпраменьвання складае 0,56 мкЗв/гадзіну, у г. Слаўгарадзе — 0,2 мкЗв/гадзіну, што адпавядае шматгадовым дадзеным. Радыяцыйны фон на тэрыторыі Беларусі знаходзіцца пад пастаянным кантролем».
28 красавіка загарэўся лес у чарнобыльскай зоне ва Украіне. Пажар удалося спыніць за 5 км ад могільнікаў радыеактыўных адходаў. Гараць 400 га лесу. Украінскія пажарныя запэўніваюць, што сітуацыя знаходзіцца пад кантролем. Сілавікі не выключаюць, што гэта быў падпал. На ліквідацыю накіравалі супрацоўнікаў МНС і Нацыянальную гвардыю.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары