Лідар расійскага байк-клуба «Начныя ваўкі» Аляксандр Залдастанаў (псеўданім «Хірург»_ патлумачыў словы свайго калегі Андрэя Баброўскага пра касметычкі ў байкераў, якіх абшуквалі на мяжы з Польшчай.
Інтэрв'ю з Залдастанавым апублікавала інтэрнэт-выданне «Фонтанка» у суботу, 2 мая.
«Ехалі хлопцы, бралі дзяўчат з сабой. Яны ж не ехалі адны. У нас было некалькі чалавек, некалькі дам, мабыць, у іх былі з сабой касметычкі. Ляпнуў «Акела» [псеўданім Баброўскага) пра гэтыя касметычкі. А сказаць няма чаго — вось і падхапілі», — распавёў Залдастанаў.
Аб касметычках у байкераў Баброўскі распавёў у інтэрв'ю тэлеканалу LifeNews 27 красавіка. У гэты дзень калону байкераў з «Начных ваўкоў», якія здзяйсняюць мотапрабег па Еўропе ў гонар 70-годдзя Перамогі, не пусцілі ў Тэрэспалі, пасля беларускай мяжы, на тэрыторыю Польшчы.
«Аглядалі пільна, кожную шкарпэтку і касметычку, усе асабістыя рэчы, усё рабілі жорстка, хоць і ў рамках закона», — сказаў ён.
Касметычкі сталі прадметам жартаў у інтэрнэце.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны9
Каментары