Lidar rasijskaha bajk-kłuba «Načnyja vaŭki» Alaksandr Załdastanaŭ (psieŭdanim «Chirurh»_ patłumačyŭ słovy svajho kalehi Andreja Babroŭskaha pra kaśmietyčki ŭ bajkieraŭ, jakich abšukvali na miažy z Polščaj.
Intervju z Załdastanavym apublikavała internet-vydańnie «Fontanka» u subotu, 2 maja.
«Jechali chłopcy, brali dziaŭčat z saboj. Jany ž nie jechali adny. U nas było niekalki čałaviek, niekalki dam, mabyć, u ich byli z saboj kaśmietyčki. Lapnuŭ «Akieła» [psieŭdanim Babroŭskaha) pra hetyja kaśmietyčki. A skazać niama čaho — voś i padchapili», — raspavioŭ Załdastanaŭ.
Ab kaśmietyčkach u bajkieraŭ Babroŭski raspavioŭ u intervju telekanału LifeNews 27 krasavika. U hety dzień kałonu bajkieraŭ z «Načnych vaŭkoŭ», jakija ździajśniajuć motaprabieh pa Jeŭropie ŭ honar 70-hodździa Pieramohi, nie puścili ŭ Terespali, paśla biełaruskaj miažy, na terytoryju Polščy.
«Ahladali pilna, kožnuju škarpetku i kaśmietyčku, usie asabistyja rečy, usio rabili žorstka, choć i ŭ ramkach zakona», — skazaŭ jon.
Kaśmietyčki stali pradmietam žartaŭ u internecie.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary