Суд у Венесуэле прысудзіў лідара руху «Народная воля», апазіцыянера Леапольда Лопеса, да 13 гадоў і 9 месяцаў зняволення. Лопес быў прызнаны вінаватым у падбухторванні да гвалту падчас масавых акцый пратэсту ў пачатку 2014 года, лідарам якіх ён з'яўляўся.
Абарона апазіцыянера ўжо абвінаваціла суд у парушэннях у ходзе разбору: па словах адваката, суддзя заслухаў 138 сведак абвінавачвання і толькі аднаго сведку абароны, нягледзячы на тое, што паказанні гатовыя былі даць 50 чалавек.
Леапольда Лопес знаходзіцца пад арыштам з сярэдзіны лютага мінулага года па абвінавачваннях, звязаных з яго роляй у масавых акцыях пратэсту супраць сацыялістычнага ўрада Нікаласа Мадура ў мінулым годзе. У маі ён аб'яўляў галадоўку, патрабуючы вызвалення палітычных вязняў.
6 снежня ў Венесуэле пройдуць парламенцкія выбары.
Па дадзеных некаторых апытанняў, шанцы апазіцыі на поспех значна ўзраслі ў апошні час з улікам складанай эканамічнай сітуацыі ў краіне.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары