Прэзідэнт Украіны правёў сустрэчу з лідарамі фракцый ў Вярхоўнай Радзе і паінфармаваў іх аб ходзе і выніках перамоў «Нармандскай чацвёркі», якія адбыліся 2 кастрычніка ў Парыжы.
Пра гэта паведаміла Адміністрацыя прэзідэнта Украіны.
«Ёсць інфармацыя, што заўтра [6 кастрычніка] баевікі абвесцяць аб адмене псеўдавыбараў 18 кастрычніка і 1 лістапада», — пра гэта кіраўнікам фракцый паведаміў Парашэнка.
Парашэнка адзначыў, што «не існуе іншага шляху ўрэгулявання крызісу на Данбасе, чым правядзенне сапраўдных выбараў, якія павінны адбыцца па ўкраінскім заканадаўстве і адпавядаць усім крытэрам АБСЕ».
Пры гэтым Парашэнка падкрэсліў прынцыповую пазіцыю аб абавязковым удзеле ўкраінскіх палітычных партый, прыцягненні Цэнтральнай выбарчай камісіі, бесперашкоднай дзейнасці ўкраінскіх сродкаў масавай інфармацыі і прадастаўленне магчымасці часова перамешчаным асобам Данбаса права ўдзелу ў гэтых выбарах.
У сустрэчы з кіраўнікамі парламенцкіх фракцый таксама ўзялі ўдзел Старшыня Вярхоўнай Рады, прэм'ер-міністр і сакратар рады нацыянальнай бяспекі і абароны.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве16
Каментары