Судом Ленінскага раёна Мінска былая доктарка адной са сталічных паліклінік прыгавораная да трох гадоў пазбаўлення волі з канфіскацыяй маёмасці.
Як паведамляе ўпраўленне па барацьбе з эканамічнымі злачынствамі ГУУС Мінгарвыканкама, аператыўнымі супрацоўнікамі ГУУС сумесна з калегамі з Ленінскага РУУС сталіцы быў выяўлены факт неаднаразовага атрымання хабару тэрапеўтам сталічнай паліклінікі. У Ленінскае РУУС з заявай пра тое, што 31-гадовая медработнік паліклінікі бярэ ўзнагароджанне за вырашэнне пытання аб выдачы фіктыўных лісткоў непрацаздольнасці, звярнуўся яе 34-гадовы пацыент, якому тая выпісвала фальшывыя бальнічныя.
Першы такі ліст непрацаздольнасці на пяць дзён мужчына атрымаў у студзені 2014 года. Тады гэта каштавала яму 200 тыс. рублёў.
У выніку аператыўных мерапрыемстваў высветлілася, што наступны дакумент ілжэхвораму спатрэбіўся ў жніўні. Кошт паслуг узрос да 300 тыс. рублёў. Тады мужчына працаваў слесарам на сталічным прадпрыемстве. Зараз ён не працаўладкаваны.
Падчас аператыўнага эксперыменту ў сакавіку 2015 года, пра які супрацоўніца паліклінікі не падазравала, з ёю ўдалося дамовіцца аб выдачы фіктыўнага бальнічнага за 400 тыс. рублёў.
Паводле слоў начальніка ўпраўлення па барацьбе з эканамічнымі злачынствамі ГУУС Мінгарвыканкама палкоўніка міліцыі Генадзя Казакевіча, падчас разбору былая тэрапеўт прызналася ў тым, што выпісвала падробленыя бальнічныя, узнагароджанне за якія заўсёды ўстанаўлівала на свой погляд. Выдачай бальнічных лістоў за грашовае ўзнагароджанне жанчына займалася сістэматычна.
У дачыненні да ўжо былога ўрача Ленінскім (Мінска) раённым аддзелам Следчага камітэта былі распачатыя справы на падставе частак 1 і 2 артыкула 430 КК (атрыманне хабару).
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары