ААТ «Банк БелЗЭБ» з кастрычніка 2015 года пачало прадастаўляць крэдыты ў кітайскіх юанях, тым самым прапануючы бізнесу новыя магчымасці для фінансавання імпарту з Кітая, паведамілі ў прэс-цэнтры банка.
«Мы бачым, што з ростам беларуска-кітайскага тавараабароту павялічваецца патрэбнасць прадстаўнікоў бізнесу ў правядзенні разлікаў з выкарыстаннем кітайскіх юаняў. Асабліва расце попыт на выкарыстанне юаняў у міжнародных разліках з боку прадпрыемстваў, якія цесна супрацоўнічаюць з кітайскімі партнёрамі», — адзначыў дырэктар дэпартамента развіцця карпаратыўнага бізнесу ААТ «Банк БелЗЭБ» Уладзімір Кніга. Спецыяльна для такіх прадпрыемстваў банк пачаў прадастаўляць крэдыты ў кітайскіх юанях па працэнтнай стаўцы да 7,5 працэнта гадавых, што значна ніжэй за стаўкі па крэдытах у доларах ЗША і еўра.
Крэдыты прадастаўляюцца юрыдычным асобам і індывідуальным прадпрымальнікам на тэрмін да 360 дзён для набыцця тавараў з КНР (асноўных сродкаў, сыравіны і матэрыялаў, паўфабрыкатаў), што выкарыстоўваюцца для ўласнай вытворчасці тавараў і паслуг.
На думку Уладзіміра Кнігі, магчымасць заключэння знешнегандлёвых кантрактаў і вядзення разлікаў у нацыянальнай валюце Кітая дапаможа пазбегнуць рызык, звязаных з ваганнем абменнага курса, і дасць магчымасць скарачаць выдаткі па канвертацыі, што ўзнікаюць пры разліках у валютах трэціх краін.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары