AAT «Bank BiełZEB» z kastryčnika 2015 hoda pačało pradastaŭlać kredyty ŭ kitajskich juaniach, tym samym prapanujučy biźniesu novyja mahčymaści dla finansavańnia impartu z Kitaja, paviedamili ŭ pres-centry banka.
«My bačym, što z rostam biełaruska-kitajskaha tavaraabarotu pavialičvajecca patrebnaść pradstaŭnikoŭ biźniesu ŭ praviadzieńni raźlikaŭ z vykarystańniem kitajskich juaniaŭ. Asabliva raście popyt na vykarystańnie juaniaŭ u mižnarodnych raźlikach z boku pradpryjemstvaŭ, jakija ciesna supracoŭničajuć z kitajskimi partniorami», — adznačyŭ dyrektar departamienta raźvićcia karparatyŭnaha biźniesu AAT «Bank BiełZEB» Uładzimir Kniha. Śpiecyjalna dla takich pradpryjemstvaŭ bank pačaŭ pradastaŭlać kredyty ŭ kitajskich juaniach pa pracentnaj staŭcy da 7,5 pracenta hadavych, što značna nižej za staŭki pa kredytach u dołarach ZŠA i jeŭra.
Kredyty pradastaŭlajucca jurydyčnym asobam i indyvidualnym pradprymalnikam na termin da 360 dzion dla nabyćcia tavaraŭ z KNR (asnoŭnych srodkaŭ, syraviny i materyjałaŭ, paŭfabrykataŭ), što vykarystoŭvajucca dla ŭłasnaj vytvorčaści tavaraŭ i pasłuh.
Na dumku Uładzimira Knihi, mahčymaść zaklučeńnia źniešniehandlovych kantraktaŭ i viadzieńnia raźlikaŭ u nacyjanalnaj valucie Kitaja dapamoža paźbiehnuć ryzyk, źviazanych z vahańniem abmiennaha kursa, i daść mahčymaść skaračać vydatki pa kanviertacyi, što ŭźnikajuć pry raźlikach u valutach trecich krain.
Ciapier čytajuć
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary