Кіраўнік Цэнтрвыбаркама Беларусі Лідзія Ярмошына падазрае шэраг нацыянальных назіральнікаў у змове з мэтай правакацый падчас выбараў прэзідэнта ў нядзелю.
«Існуе пэўная змова. Яна адчуваецца ў аднолькавых дзеяннях на шэрагу участкаў, асабліва ў Мінску, ёсць яны і ў Магілёве», — сказала Ярмошына на прэс-канферэнцыі ў нядзелю.
Паводле яе слоў, у Магілёве група назіральнікаў падала заяву ў суд, у якім гаворыцца «аб неадпаведнасці колькасці грамадзян, адзначаных як прагаласавалых, дадзеным, якія палічылі самі назіральнікі».
Ярмошына адзначыла, што такія заявы не падведамасныя суду. «Гэта правакацыя, каб інфармацыйна загаварылі пра гэта … Гэтыя дзеянні відавочна кімсьці каардынуюцца», — лічыць Ярмошына.
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў25
Каментары