Google запусціў у Беларусі навучальную праграму па інтэрнэт-маркетынгу
Google запусціў у бізнэс-інкубатары Парку высокіх тэхналогій Беларусі навучальную праграму The Graduate па інтэрнэт-маркетынгу, паведамілі ў прэс-службе ПВТ.
На афіцыйным адкрыцці праграмы ў якасці спікераў выступілі прадстаўнікі Google, якія распавялі пра гісторыю кампаніі і трэнды развіцця інтэрнэту. Эксперты адзначылі, што доля мабільнага трафіку пастаянна павялічваецца. У сярэднім па свеце 30% выхадаў у інтэрнэт адбываецца з мабільнай прылады. Гэта спараджае неабходнасць стварэння мабільных версій сайтаў для больш зручнага доступу. У Беларусі карыстаецца смартфонамі 45% насельніцтва.
Па словах менеджара па развіцці бізнэсу Google у Беларусі Наталлі Карабко, анлайн-рынак краіны мае вялікі патэнцыял і пастаянна расце. Як сцвярджаюць маркетолагі карпарацыі, у бліжэйшыя гады рост беларускага анлайн-рынку будзе апярэджваць рост анлайн-рынку ў Заходняй Еўропе. Улічваючы гэта, Google плануе і далей развіваць беларускі рынак, прасоўваць digital-сэрвісы, дапамагаць агенцтвам працаваць з малым і сярэднім бізнэсам.
The Graduate — гэта праграма падрыхтоўкі спецыялістаў у сферы інтэрнэт-маркетынгу ў Беларусі і Казахстане. Праграма закліканая дапамагчы адаптавацца да сучасных трэндаў інтэрнэт-бізнэсу і дае неабходныя для гэтага інструменты. Студэнтаў, якія зарэгістраваліся на праграму, будуць навучаць сучасным тэхналогіям у вобласці інтэрнэт-маркетынгу сертыфікаваныя трэнеры Google.
Навучанне будзе праходзіць у рэжыме анлайн — для ўдзельнікаў праграмы будуць праводзіцца вэбінары і відэасустрэчы. Праграма разлічаная на студэнтаў з розных факультэтаў, а таксама практыкуючых спецыялістаў. Па заканчэнні навучання студэнты, якія паспяхова прайшлі праграму, атрымаюць адмысловыя сертыфікаты. Найлепшыя студэнты атрымаюць магчымасць прайсці аплачваную стажыроўку ў адной з вядучых кампаній краіны. Праграма цалкам бясплатная.
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары