Савет Рэспублікі ўхваліў ратыфікацыю беларуска‑венесуэльскіх пагадненняў аб адмене віз.
Пагадненні былі падпісаны ў венесуэльскім штаце Ансаатэгі 8 снежня 2007 года падчас візіту ў гэтую краіну афіцыйнай беларускай дэлегацыі на чале з Аляксандрам Лукашэнкам. Іх мэта — стварэнне нарматыўна‑прававой базы, што рэгулюе пытанні ўзаемных паездак грамадзян дзвюх краін.
Законапраекты аб ратыфікацыі пагадненняў былі прыняты Палатай прадстаўнікоў 2 красавіка. На пленарным пасяджэнні сесіі Савета Рэспублікі 16 красавіка іх прадстаўляў намеснік старшыні пастаяннай камісіі верхняй палаты па міжнародных справах і нацыянальнай бяспецы Вітольд Песціс.
У адпаведнасці з пагадненнем аб адмене віз у нацыянальных пашпартах грамадзяне Беларусі і Венесуэлы могуць уязджаць і выязджаць на тэрыторыю іншай краіны без візы і знаходзіцца там да 90 дзён. Пры гэтым грамадзяне адной краіны, якія прыязджаюць у іншую дзяржаву, будуць трапляць пад дзеянне заканадаўства краіны знаходжання.
Яны не маюць права займацца камерцыйнай або іншай дзейнасцю за плату падчас знаходжання на тэрыторыі іншай краіны. У выпадку калі грамадзяне маюць намер знаходзіцца на тэрыторыі іншай дзяржавы больш за 90 дзён або плануюць займацца там камерцыйнай ці іншай дзейнасцю за плату, яны павінны атрымаць адпаведную візу.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары