У Мінску адкрыўся візавы цэнтр Польшчы, усё візуальнае афармленне — па-руску ФОТЫ
Аператарам цэнтра з'яўляецца кампанія VFS Global.
На вуліцы Чыгуначная, 33 адкрыўся першы візавы цэнтр Польшчы. Установа размясцілася ў будынку бізнэс-цэнтра SP Plaza у адным пакоі з літоўскім візавым цэнтрам.
Сёння, акрамя польскага візавага цэнтру ў Мінску, аналагічныя адкрыліся ў Брэсце (вул.Маскоўская, 208а-1), Гродне (вул.Горкага, 89), Гомелі (вул.Пушкіна,2).
У гэтым будынку візавы цэнтр прабудзе некалькі тыдняў, а пасля пераедзе ў ГЦ «Галілеа», што каля чыгуначнага вакзала.
Міхал Хабрас, часовы павераны ў справах Польшчы ў Беларусі, заявіў, што гэта прыемны крок у развіцці адносін паміж Беларуссю і Польшчай.
У сваю чаргу Прабуда Сэн, рэгіянальны кіраўнік VFS Global у Расіі і краінах СНД, адзначыў, што са свайго боку яны будуць пашыраць колькасць візавых цэнтраў для паляпшэння і спрашчэння падачы дакументаў на візы. Візавыя цэнтры Польшчы плануецца адкрыць яшчэ ў Магілёве, Пінску, Баранавічах і Лідзе.
Падагульніў усіх Марэк Пэндзіх, кіраўнік консульскага аддзела пасольства Польшчы ў Беларусі. «За мінулы год на польскую візу падала каля 400 000 беларусаў. У нас быў станоўчы вопыт адкрыцця візавых цэнтраў ва Украіне і Расіі. Мы спадзяёмся, што адкрыццё візавых цэнтраў павялічыць колькасць беларусаў, якія будуць наведваць Польшчу».
Нагадаем, што візавыя цэнтры дапамагаюць аформіць розныя віды віз у замежныя краіны. Кошт паслуг Польскага візавага цэнтра складзе 15 еўра ў беларускім эквіваленце, без уліку кошту візы.
-
Брытанія 25 гадоў не можа дэпартаваць беларуса — той хлусіць беларускім уладам, што ён не свой. І яны не забіраюць яго дадому
-
Вывучыў восем моваў, ажаніўся і стаў доктарам у Барысаве — гісторыя медыка з Туркменістана
-
Міністр абароны Літвы пра ліст Зяленскага: Наіўна чакаць, што Пуцін проста возьме і адступіць
Каментары