Адразу пасля заканчэння чэмпіянату свету ФІФА апублікавала абноўлены рэйтынг зборных свету. Яго ўзначальваюць пераможцы мундыялю іспанцы, а зборная Беларусі захавала сваю пазіцыю напрыканцы першай сотні.
Першае месца ў рэйтынгу займае зборная Іспаніі, другая пазіцыя ў Аргенціны, трэцяя — у Францыі. Далей ідуць каманды Англіі, Бразіліі, Марока, Партугаліі, Бельгіі, Нідэрландаў і Мексікі.
Найбольшы прагрэс за апошні перыяд паказала каманда Нарвегіі. Яна паднялася адразу на 12 месцаў — з 31‑й пазіцыі на 19-ю. А вось зборная Туніса значна пагоршыла сваё становішча. Пасля няўдалых выступаў на чэмпіянаце свету каманда апусцілася з 45‑га месца на 57-е.
Каманда Беларусі не праводзіла матчаў, таму засталася на 96‑м месцы ў сусветным спісе. Яна знаходзіцца паміж зборнымі Палесціны і Гватэмалы.
З нашых суседзяў найвышэйшая пазіцыя ў каманды Украіны — 33-я. Зборная Расіі займае 35‑е месца, Польшчы — 36-е, Латвіі — 137-е, Літвы — 149-е.
Наступны раз рэйтынг Міжнароднай федэрацыі футбола павінен быць абноўлены 7 кастрычніка.
Трамп стаў героем мемаў пасля чэмпіёнскага фота зборнай Іспаніі
Два абаронцы зборнай Аргенціны праігнаравалі Трампа на ўзнагароджанні
«Залаты мяч» чэмпіянату свету атрымаў Родры
Іспанія стала чэмпіёнам свету па футболе, забіўшы адзіны гол, хоць гульня ішла ў адны вароты
Тысячы людзей глядзяць на «Дынама» фінал чэмпіянату свету. Нехта разгарнуў вялікі расійскі сцяг
Каментары