22-23 сакавіка ў Беларусі з візітам знаходзіцца міністр замежных спраў Польшчы Вітальд Вашчыкоўскі. Апошні раз міністр замежных спраў (тады — Радаслаў Сікорскі) наведваў Беларусь у лістападзе 2010 г.
Вашчыкоўскі сёння разам з паслом Польшчы Конрадам Паўлікам і прадстаўнікамі пасольства наведаў Курапаты — месца масавых расстрэлаў у 1930-я.
Кіраўнік польскага МЗС абяцаў у размове з беларускімі ўладамі згадаць палітычныя, культурныя пытанні, праблемы Саюза палякаў і акрэдытацыі для замежных СМІ ў Беларусі, у тым ліку тэлеканалу Белсат.
Мяркуецца, што сёння міністр замежных спраў Польшчы сустрэнецца з Аляксандрам Лукашэнкам, наведае польскі візавы цэнтр, што цяпер будзе размяшчацца ў ГЦ «Галілеа».
Заўтра Вашчыкоўскі будзе знаходзіцца ў Гродне і з прыватным візітам у Ваўкавыску, адкуль паходзяць яго родныя.
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў20
Каментары