У расійскіх СМІ прайшла інфармацыя, што канцлерка Нямеччыны Ангела Меркель зрабіла сэлфі з уцекачом, што аказаўся тэрарыстам, які мае дачыненне да тэрактаў у Брусэлі.
Нямецкія СМІ гэтую інфармацыю абверглі.
Расійскія СМІ напісалі, што сірыйцам, які фатаграфаўся з Меркель, быў Наджым Лаашраўі, якога падазраюць у арганізацыі выбуху ў брусэльскім аэрапорце 22 сакавіка.
Між тым юнак на той фатаграфіі з Меркель — гэта 18-гадовы Анас Мандамані. Яго, дарэчы, прытуліла звычайная берлінская сям'я.
Расійскія СМІ разгарнулі кампанію па дыскрэдытацыі Меркель. Яны хацелі б, каб на чале Нямеччыны яе змяніў палітык, настроены да Расіі лагадней. Паколькі Меркель не звінаваціш у карупцыі, а эканоміка Германіі моцная, расійская прапаганда нагнятае праблему ўцекачоў, якіх Меркель распарадзілася з гуманітарных і эканамічных меркаванняў прымаць.
Цяпер чытаюць
Пастпрад Беларусі ў ААН сустрэнецца з Коўлам і перадасць яму пасланне ад Лукашэнкі3
Пастпрад Беларусі ў ААН сустрэнецца з Коўлам і перадасць яму пасланне ад Лукашэнкі
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары