Старшыня Менгарвыканкаму заявіў, што неабходна скараціць тэрміны адключэньня гарачага водазабеспячэньня ў летні пэрыяд.
М.Паўлаў нагадаў, што «яшчэ шэсць гадоў таму рамонт цепласетак у раёнах горада доўжыўся каля месяца, што выклікала незадавальненне гараджан». Цяпер гэты перыяд складае да двух тыдняў. М.Паўлаў даручыў кіраўніку «Мінскэнерга» вызначыць магчымыя варыянты па далейшым скарачэнні тэрмінаў рамонтнай кампаніі, адзначыўшы, што дасягнуць гэтага можна за кошт павышэння прадукцыйнасці працы.
У Мінску ў гэтым годзе рамонт цепласетак для падрыхтоўкі іх да зімы пачнецца ў жылым сектары 12 мая і прадоўжыцца да 1 верасня. У мінулым годзе сярэдні тэрмін адключэння гарачага водазабеспячэння ў спажыўцоў, што далучаны да цеплавых крыніц УП «Мінсккамунцепласеткі», склаў 11,5 сутак. У спажыўцоў жыллёва‑камунальнага сектара, што далучаны да крыніц РУП «Мінскэнерга», — 14 сутак.
На афіцыйным сайце Мінгарвыканкама апублікаваны графік адключэння гарачага водазабеспячэння ў маі.
«Арганізацыі цеплазебеспячэння прымаюць меры па скарачэнні тэрмінаў адключэння гарачага водазабеспячэння. У выпадку паспяховых выпрабаванняў трубаправодаў цеплавых сетак і адсутнасці дэфектаў, што патрабуюць выканання незапланаваных рамонтна‑аднаўленчых работ, тэрміны адключэння не будуць перавышаць 14 сутак», — гаворыцца ў аб’яве.
Цяпер чытаюць
Адзін з загінулых сёння вайскоўцаў — 26‑гадовы мінчук Кірыл. Што пра яго вядома3
Каментары