Трэскі ляцяць: у Мінску пачалі «краніраванне» дрэў — зразаюць усё і пакідаюць адны камлі ФОТЫ
КУП «Зелянбуд» ва ўсіх раёнах Мінска пачаў планавую абрэзку дрэў ад ссохлых галінак. Традыцыйна гэтыя мерапрыемствы называюць «краніраваннем» дрэў. Эколагі і гарадскія актывісты пачынаюць пратэставаць у сацыяльных сетках з гэтай нагоды. Сёння стала вядома, што ад гэтых мерапрыемстваў пацярпелі і дрэвы на бульвары Мулявіна ў Мінску.
Краніраванне — комплекс мерапрыемстваў па фармаванні кроны дрэва, ці ачышчэнні яго ад хворых і сухіх галінак. Яно часцей за ўсё выкарыстоўваецца ў садаводстве. Але, як лічаць эколагі, глабальная абрэзка дрэваў камунальнікамі ў гарадах толькі шкодзіць дрэвам і прыводзіць да іх высыхання ці гніення.
Каментары