Беларускі правал на "Эўрабачаньні": у паўфінале Аляхно заняў 17-е месца зь 19-ці
Горай выступілі толькі выканаўца з Вугоршчыны і Чэхіі. А фінал выйграла Расея.
Прадстаўнік Беларусі на конкурсе "Еўрабачанне-2008" у Бялградзе Руслан Аляхно заняў 17-е месца сярод 19 удзельнікаў другога паўфіналу 22 мая. Такія звесткі агучыў аргкамітэт конкурсу пасля заканчэння фіналу 25 мая. Горш выступілі толькі выканаўцы з Чэхіі і Венгрыі.
Р.Аляхно з кампазіцыяй Hasta la Vista атрымаў 27 балаў, у тым ліку 10 — ад Украіны (другое месца), 6 — ад Літвы (пятае), 5 — ад Латвіі (шостае), 4 — ад Грузіі (сёмае), 2 — ад Кіпра (дзевятае). У астатніх 15 краінах беларус не ўвайшоў у дзесятку лепшых і балаў не атрымаў.
У сваю чаргу беларускія гледачы паставілі на першае месца Украіну (12 балаў), якая ў выніку стала пераможцай другога паўфіналу (152 ачкі). На другой пазіцыі — Грузія (10), на трэцяй — Партугалія (8). Далей ідуць Харватыя (7), Латвія (6), Албанія (5), Данія (4), Турцыя (3), Балгарыя (2) і Ісландыя (1).
У першым паўфінале перамагла Грэцыя (156 ачкоў), а Расія заняла трэцяе месца (135) пасля Арменіі (139).
У фінале перамогу атрымаў Дзіма Білан (Расія), набраўшы 272 ачкі. Беларускія гледачы таксама прызналі яго лепшым. У першую дзесятку ўвайшлі таксама Украіна (230 балаў), Грэцыя (218), Арменія (199), Нарвегія (182), Сербія (160), Турцыя (138), Азербайджан (132), Ізраіль (124) і Боснія і Герцагавіна (110).
У 2007 годзе на конкурсе "Еўрабачанне" ў Фінляндыі прадстаўнік Беларусі Дзмітрый Калдун заняў шостае месца ў фінале.
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары