Biełaruski pravał na "Eŭrabačańni": u paŭfinale Alachno zaniaŭ 17-je miesca ź 19-ci
Horaj vystupili tolki vykanaŭca z Vuhorščyny i Čechii. A finał vyjhrała Rasieja.
Pradstaŭnik Biełarusi na konkursie "Jeŭrabačańnie-2008" u Białhradzie Rusłan Alachno zaniaŭ 17-je miesca siarod 19 udzielnikaŭ druhoha paŭfinału 22 maja. Takija źviestki ahučyŭ arhkamitet konkursu paśla zakančeńnia finału 25 maja. Horš vystupili tolki vykanaŭcy z Čechii i Vienhryi.
R.Alachno z kampazicyjaj Hasta la Vista atrymaŭ 27 bałaŭ, u tym liku 10 — ad Ukrainy (druhoje miesca), 6 — ad Litvy (piataje), 5 — ad Łatvii (šostaje), 4 — ad Hruzii (siomaje), 2 — ad Kipra (dzieviataje). U astatnich 15 krainach biełarus nie ŭvajšoŭ u dziesiatku lepšych i bałaŭ nie atrymaŭ.
U svaju čarhu biełaruskija hledačy pastavili na pieršaje miesca Ukrainu (12 bałaŭ), jakaja ŭ vyniku stała pieramožcaj druhoha paŭfinału (152 ački). Na druhoj pazicyi — Hruzija (10), na treciaj — Partuhalija (8). Dalej iduć Charvatyja (7), Łatvija (6), Ałbanija (5), Danija (4), Turcyja (3), Bałharyja (2) i Isłandyja (1).
U pieršym paŭfinale pieramahła Hrecyja (156 ačkoŭ), a Rasija zaniała treciaje miesca (135) paśla Armienii (139).
U finale pieramohu atrymaŭ Dzima Biłan (Rasija), nabraŭšy 272 ački. Biełaruskija hledačy taksama pryznali jaho lepšym. U pieršuju dziesiatku ŭvajšli taksama Ukraina (230 bałaŭ), Hrecyja (218), Armienija (199), Narviehija (182), Sierbija (160), Turcyja (138), Azierbajdžan (132), Izrail (124) i Bośnija i Hiercahavina (110).
U 2007 hodzie na konkursie "Jeŭrabačańnie" ŭ Finlandyi pradstaŭnik Biełarusi Dźmitryj Kałdun zaniaŭ šostaje miesca ŭ finale.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary