Каля 400 удзельнікаў «хрэснага ходу» Маскоўскага патрыярхату не пусцілі ў Барыспаль Кіеўскай вобласці. На падыходах да горада іх сустрэлі некалькі сотняў актывістаў.
Сярод іх былі байцы АТА і еўрамайданаўцы, перадае 24 канал. Праціўнікі «хрэснага ходу» спрабавалі кідаць у калону яйкі і часнок як намёк, што такія сумніўныя рэлігійныя мерапрыемствы ідуць ад нячыстай сілы.
Арганізатары «шэсця» вырашылі пайсці ў абыход Барыспаля, непасрэдна на Кіеў. Сутыкненняў удалося пазбегнуць. Праваахоўнікі ўзялі ўдзельнікаў шэсця ў кола і суправаджаюць на шляху ў сталіцу.
У пачатку ліпеня ў Цярнопальскай і Данецкай абласцях стартаваў «хрэсны ход за мір», арганізаваны УПЦ Маскоўскага патрыярхату.
22 ліпеня прадстаўнікі Галоўнага ўпраўлення выведкі Міністэрства абароны Украіны Вадзім Скібіцкі заявіў, што расійскія спецслужбы паспрабуюць выкарыстаць «хрэсны ход» для дэстабілізацыі сітуацыі ва Украіне, каб паглыбіць раскол у грамадстве на рэлігійнай глебе. Таксама, паводле яго слоў, спецслужбы РФ прыцягваюць да арганізацыі правакацый падчас «хрэснага ходу» асобаў з атачэння былога прэзідэнта Віктара Януковіча.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве6
Каментары