Даверлівая беларуска спрабавала выратаваць ад піратаў 750 тысяч фунтаў стэрлінгаў і страціла ўласныя грошы
Чарговы выпадак махлярства праз інтэрнэт зарэгістраваны ў Беларусі. Ахвярай злачынства стала 41-гадовая жыхарка Пухавіцкага раёна Мінскай вобласці.
Як паведамілі ў Першамайскім РУУС Мінска, куды жанчына звярнулася па дапамогу, у маі яна пазнаёмілася з мужчынам у Facebook. На персанальнай старонцы было ўказана, што яго завуць Nova Gabriele і ён жыве ў Флорыдзе. Вельмі хутка Nova Gabriele увайшоў у давер да жанчыны, і знаёмства перарасло ў рамантычныя адносіны.
Мужчына распавёў, што выйграў тэндар на заключэнне кантракту з аўстралійскай фірмай і вымушаны адправіцца туды на караблі. На шляху судна атрымала пашкоджанні і некаторы час стаяла на якары ў Міжземным моры. Па радыёстанцыі была атрымана інфармацыя, што да карабля набліжаецца пірацкае судна, і каманда была вымушана экстрана прышвартаваць карабель на востраве Лесбас. Каб захаваць маёмасць, а менавіта 750.000 фунтаў стэрлінгаў, новы знаёмы папрасіў даверлівую беларуску атрымаць ад яго імя гэтыя грошы. Жанчына пагадзілася.
Праз некаторы час ёй прыйшоў ліст па электроннай пошце ад [email protected]. У ім былі пазначаны рэквізіты турэцкага банка, на рахунак якога трэба было перавесці 2.290 даляраў ЗША за дастаўку пасылкі. У паведамленні ўказвалася імя адпраўніка — Jenny Yilmaz. Пасля таго як заяўніца перавяла неабходную суму на рахунак банка-атрымальніка, па электроннай пошце ёй прыйшоў яшчэ адзін ліст. У ім паведамлялася, што трэба перавесці яшчэ 7.740 долараў ЗША, таму што першапачатковай сумы нібыта недастаткова для аплаты ўсіх пошлін.
Да таго часу Nova Gabriele перастаў адказваць на паведамленні беларускі, а затым і зусім закрыў ёй доступ да сваёй старонкі.
«Не варта быць залішне даверлівымі ў зносінах з незнаёмымі і малазнаёмымі людзьмі, — пракаментаваў намеснік начальніка Першамайскага РУУС сталіцы Аляксандр Грамовіч. — Калі заводзіце знаёмства ў сацсетках, варта быць вельмі асцярожным і не губляць пільнасць. Ашуканцы размяшчаюць на персанальных старонках не свае фота і даюць недакладную інфармацыю. Яны ўваходзяць у давер, прыдумляюць розныя гісторыі, просяць пераслаць грошы для таго, каб вырашыць праблемы, якія ўзнікаюць раптоўна. Вярнуць пералічаныя грошы вельмі цяжка. Цяпер па гэтым факце праводзіцца праверка».
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары