Спартыўны арбітражны суд (CAS) задаволіў апеляцыю расійскай лёгкаатлеткі Дар'і Клішынай на рашэнне Міжнароднай асацыяцыі лёгкаатлетычных федэрацый (IAAF) не дапусціць яе да ўдзелу ў Алімпіядзе ў Рыа-дэ-Жанейра. Пра гэта ў панядзелак, 15 жніўня, паведамляе Reuters.
«Бакі былі праінфармаваныя, што ў спартсменкі застаецца права прыняць удзел у Гульнях-2016», — гаворыцца ў рашэнні суда.
Слуханні па справе спартсменкі адбыліся 14 жніўня і працягваліся больш за чатыры гадзіны. Яшчэ некалькі гадзін спатрэбілася на прыняцце рашэння.
«Судзейская панэль была сусветнага класа, яны цалкам зразумелі пытанне», - сказаў адвакат спартсменкі Пол Грын пасля завяршэння пасяджэння. Паводле яго слоў, IAAF не выказала сумненняў у тым, што Клішына — «чысты» атлет.
Раней у нядзелю прадстаўнік Міжнароднага алімпійскага камітэта (МАК) Марк Адамс заявіў, што ў выпадку поспеху ў CAS спартсменка пройдзе ўсе тры прыступкі допуску да Гульняў, ужытага да астатніх расіянаў.
***
13 жніўня стала вядома, што IAAF адхіліла Клішыну ад удзелу ў Алімпійскіх Гульнях, нягледзячы на тое, што раней дапусціла яе. Дыскваліфікаваць дзяўчыну было вырашана пасля вывучэння дакладу незалежнай камісіі Сусветнага антыдопінгавага агенцтва (WADA) на чале з канадскім юрыстам Рычардам Макларэнам.
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў20
Каментары