У мінулую ноч у Гродне зноў адбыўся напад на кіроўцу таксі, пра гэта ў Autogrodno.by паведамілі сябры пацярпелага. У 01.05 ночы да аднаго з кіроўцаў на прыпынку ля помніка воінам-афганцам па вуліцы Курчатава падсеў малады чалавек. Ён выклікаў аўтамабіль таксі праз дыспетчарскую службу. Як пазней высветлілася, тэлефанаваў ён з мабільніка, які папрасіў у чалавека на вуліцы.
20-гадовы на выгляд хлопец з капюшонам на галаве папрасіўся давезці да Альшанкі.
— На якім прыпынку будзеце выходзіць?
— На любым.
— Як гэта на любым? Ідзе дождж, да бліжэйшых дамоў метраў 400.
— Можна на гэтым, я прагуляюся.
Калі аўтамабіль спыніўся, хлопец прызнаўся, што ў яго скралі кашалёк і што ў яго няма грошай. Кіроўца доўгі час спрабаваў дамовіцца з хлопцам, прапаноўваў падвезці яго да дома, да бацькоў. Але малады чалавек ад усяго адмаўляўся і казаў, што не мясцовы, а толькі вучыцца ў Гродне.
Тады кіроўца сказаў, што адвязе хлопца ў міліцыю, стаў ад'язджаць.
У гэты момант хлопец накінуўся на кіроўцу, сціснуў яго грудную клетку дзвюма рукамі і запатрабаваў спыніць аўтамабіль. Таксіст адчуў на сваім горле металічны прадмет і схапіў хлопца за рукі. Нападнік аказаўся фізічна слабы і кіроўца вызваліўся з захопу. А хлопец тут жа выскачыў з машыны і ўцёк.
Нагадаем, у красавіку 2016 года ў Гродне такім жа чынам пасажыр напаў на кіроўцу таксі, ударыўшы яго ў шыю кухонным нажом.
А ў жніўні 2016 года гродзенскага таксіста забілі з-за дзённай выручкі, піша гродзенскі блог.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм16
Каментары