14 чалавек наведалі ўпершыню арганізаваную тэматычную прыёмную дэпутата Палаты прадстаўнікоў, члена Аб`яднанай грамадзянскай партыі Ганны Канапацкай. Прыёмная працавала 15 студзеня ў Мінску, перадае БелаПАН.
Паводле слоў старшыні АГП Анатоля Лябедзькі, Канапацкая прыняла «ў асноўным людзей, якія прапаноўвалі ініцыятывы або закраналі персанальныя праблемы, звязаныя з экалогіяй».
Дзевяць чалавек прыняла сама дэпутат, яшчэ пяць — яе памочнікі.
«Некалькі чалавек прыйшлі з прапановай змены зямельнага заканадаўства. Таксама былі прадстаўнікі «зялёнага» руху, якія прапаноўвалі глабальную позву, што можна зрабіць у маштабах краіны па экалагічнай праблематыцы. Таксама прыязджалі людзі з Салігорска і Смаргоні па экалагічнай праблематыцы рэгіёна», — сказаў Лябедзька.
Практыку правядзення тэматычных прыёмных палітык лічыць «больш чым эфектыўнай».
«Мы прааналізуем прапанаваныя ініцыятывы, выпрацуем план дзеянняў. Папярэдне мы можам выступіць з ініцыятывай стварэння некалькіх груп па падрыхтоўцы законапраектаў, якія тычацца паправак у зямельнае заканадаўства, утылізацыі смецця, стварэння зялёных зон у гарадах. Правядзем некалькі круглых сталоў па гэтых тэмах, будуць накіраваныя дэпутацкія запыты ў розныя міністэрствы», — адзначыў палітык.
На думку Лябедзькі, правядзенне тэматычных прыёмаў дапаможа стварыць камунікацыю з выбаршчыкамі і экспертнай супольнасцю.
Плануецца, што наступная тэматычная прыёмная адбудзецца 12 лютага, на ёй будуць абмяркоўвацца пытанні адукацыі.
Канапацкая балатавалася па Кастрычніцкай выбарчай акрузе № 97 Мінска і перамагла, набраўшы, паводле афіцыйных даных, 23,7% галасоў выбаршчыкаў.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары