Намеснік старшыні Сінадальнага аддзела па ўзаемаадносінах Царквы з грамадствам і СМІ Вахтанг Кіпшыдзэ адмовіўся каментаваць словы дэпутата Дзярждумы Наталлі Паклонскай пра тое, што бюст Мікалая II у Крыме сачыцца мірам. Пра гэта ў суботу, 4 сакавіка, паведамляе радыёстанцыя «Говоріт Москва».
«Можаце сказаць, што мы адмовіліся», — адказаў Кіпшыдзе на просьбу даць каментар.
3 сакавіка ў эфіры «Царьград ТВ» Паклонская заявіла, што бюст Мікалая II, што ўсталяваны ля капліцы пры будынку пракуратуры Крыма ў Сімферопалі, пачаў сачыцца мірам. Паводле яе, да бюста прыходзяць людзі з хворымі дзецьмі, «каб прыкласці іх, каб вылечыць».
Акрамя ўсяго іншага, Паклонская вядомая тым, што падарыла Лівадзійскаму палацу тры карціны з выявай царскай сям'і. У лютым 2015 года паведамлялася, што Паклонская замовіла мемарыял царскай сям'і на тэрыторыі Лівадзійскага палаца.
Каментары