Улады ЗША распрацоўваюць дыпламатычныя, эканамічныя, а таксама захады ў галіне бяспекі ў дачыненні да КНДР. Паўночнакарэйская ядзерная праграма патрабуе «рашучага адказу», а цярпенне Вашынгтона вычарпалася. Пра гэта заявіў прэзідэнт ЗША Дональд Трамп па выніках перамоваў з прэзідэнтам Паўднёвай Карэі Мун Чжэ Інам у Вашынгтоне, перадае Reuters.
«Эра стратэгічнага цярпення ў дачыненні да паўночнакарэйскага рэжыму правалілася… Шчыра кажучы, цярпенне вычарпалася», — заявіў Трамп. Распрацоўваць меры ў дачыненні да Пхеньяна Вашынгтон будзе сумесна з Сеулам, Токіа і іншымі партнёрамі, дадаў прэзідэнт ЗША.
Трамп заявіў, што саюз паміж ЗША і Паўднёвай Карэяй з'яўляюцца асноватворным для міру і бяспекі ў рэгіёне, які ён назваў «небяспечным месцам свету».
І Амерыка заўсёды будзе абараняць сябе і сваіх саюзнікаў, падкрэсліў кіраўнік дзяржавы.
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі2
Каментары