Суд Ленінскага раёна Брэста 15 красавіка працягнуў разгляд крымінальнай справы ў дачыненні да вядомага блогера Сяргея Пятрухіна, якога абвінавачваюць па ч. 2 арт. 188 («Паклёп») і ч. 2 арт. 189 («Абраза») Крымінальнага кодэксу. Справу разглядае суддзя Аляксандр Семянчук, паведамляе spring96.org
У якасці пацярпелых выступаюць супрацоўнікі Ленінскага РАУС Сяргей Ігнацюк, Дзмітрый Якушэвіч, Ігар Галянціч і Сяргей Такун.
Сёння, як і ў мінулыя дні, загадзя на суд прыйшло шмат супрацоўнікаў міліцыі.
Пятрухін заявіў хадайніцтва аб допыце сведкі Каліноўскага, які нібыта стаў ахвярай збіцця адным з пацярпелых міліцыянтаў. Па факту збіцця іншага сведкі Камінскага восем разоў адмаўлялася ў завядзенні крымінальнай справы.
«Вінаватасць Пятрухіна падцвярджаецца матэрыяламі справы, якія былі вывучаны падчас судовага разбіральніцтва», — зачытвае пракурор падрыхтаваную прамову.
Таксама пракурор сцвярджае, што эксперт не можа прама адказаць на пытанне аб тым, ці мелі месца паклёп і абраза.
«Гэта людзі навукі. Сваёй навукі. Гэта тое ж самае, што спытаць у яго, ці мела месца забойства. Заключэнне прафесара Лукашанца з'яўляецца толькі прыватным меркаваннем вучонага, якое не можа быць пакладзена ў аснову абвінавачання»- кажа пракурор.
Пракурор звяртае ўвагу суддзі, што дзейнасць Пятрухіна мае публічны характар.
«Раней судзімы не быў, але прыцягваўся да адміністрацыйнай адказнасці. З'яўляецца ІП. Характарызуецца станоўча. Прашу прызнаць Пятрухіна вінаватым і прызначыць па арт 188 КК 100 б.в. па арт. 189 КК - абмежаванне волі на 2 гады з накіраваннем і спагнання шкоды на карысць пацярпелых», — кажа пракурор.
Па сукупнасці - абмежаванне волі на 2 гады з накіраваннем у папраўчую ўстанову адкрытага тыпу і штраф.
Цяпер чытаюць
Пачобут паразважаў, ад чаго залежыць будучыня Беларусі8
Каментары